Францын Ницца хотын Еврей төвийн гадна эргүүл хийж байсан гурван цагдаагийн ажилтан руу хутгатай этгээдүүд халдаж, гэмтээсэн тухай “www.dailymail.co.uk” мэдээллээ.  Цагдаа нар дээрх хэрэгтэй холбоотой 22, 25 настай хоёр залууг баривчилж, мэдүүлэг авч эхэлжээ.  Гэмт этгээдүүдийг өнгөрсөн сарын нэгдүгээр сард супермаркет руу дайрч дөрвөн хүний аминд хүрсэн хүмүүстэй холбоотой хэмээн сэжиглэж буй.   Цагдаагийн дарга Франсис Делон “Хэрвээ дээрх гэмт хэрэгтнүүд супермаркетийг барьцаалж, олон хүний аминд хүрсэн хүмүүстэй холбоотой нь тогтоогдвол Франц дахин аюулд орлоо гэсэн үг” гэж хэлжээ.   Б.Дэлгэрцэцэг