Иракийн хэт даврагч “Халифын вант улс” бүлэглэл барьцаанд нь байсан Йорданы нисгэгч Муаз аль Касабехийг амьдаар нь шатааж буй видео бичлэгээ олон нийтийн сүлжээнд байршуулсны дараа Цагаан ордны тэргүүн Барак Обама дургүйцлээ илэрхийлсэн тухай “www.dailymail.co.uk” мэдээллээ. Тэрбээр “Хэт даврагчдын хэтэрхий гэмээр үйлдлийг хараад ой гутаж байна. Энэ бүлэглэлийн бүх дайчин өршөөж, хайрлахыг мэддэггүй юм байна. Тэдэнд ямар ч хүн чанар алга. Үнэхээр харамсалтай. Хүнийг амьдаар нь шатаах явдал хамгийн аймшигтай яргалал. Хэт даврагчид АНУ, Их Британи гэлтгүй олон улсыг заналхийлж эхэллээ.  Ганцхан сарын дотор гурван иргэн амиа алдлаа” гэж хэлжээ.

1

Обама мөн Йорданы эзэн хаан II Абдулахтай хэт даврагчдын асуудлаар байр сууриа солилцжээ. АНУ, тус улсад хэт даврагчидтай тулалдахад шаардлагатай зэр зэвсэг худалдан авахад нь туслалцаа үзүүлэхээ амласан байна. Йорданы Засгийн газар ял эдэлж буй “Аль Кайди” бүлэглэлийн гишүүн Сажида аль Ришави болон “Халифын вант улс” бүлэглэлийн таван дайчинг олны өмнө цаазлахаар болжээ.

1

Б.Дэлгэрцэцэг