"Өргүй Монгол" ТББ-аас Монгол Улсын нийт гадаад өрийн судалгааг гаргасан тухайгаа өнөөдөр мэдээлэв. Тэдний хэлж буйгаар Монгол Улсын нийт гадаад өр 20.9 тэрбум ам.доллар байгаагаас Засгийн газрын гадаад өр 5.5 тэрбум ам.долларт хүрч төсвийн тогтвортой байдлын хуульд заасан 40 хувийн босгын хэмжээг давсан гэнэ. Тиймээс саяхан Хятадын Синхуа агентлагаас манай улсыг 2017 онд дампуурлаа зарлаж болзошгүй хэмээн мэдэгдсэнийг тус байгууллагынхан үндэслэлтэй хэмээн үзэж байгаагаа илэрхийлэв.

б

Хурал зохион байгуулагчид Монгол Улсын хувийн хэвшлийнхний гадаад өр 15 тэрбум ам.доллар байгаа гэдгийг онцолсон. Энэ өрнөөс салж, иргэдээ дарамтаас гаргахын тулд юуны өмнө тэтгэвэрийн зээлийн хүүг бууруулах хэрэгтэй. Мөн Монголын төр засаг, аж ахуйн нэгж, хувийн хэвшил, ард түмэн их өртэй байгаа учраас МАН-аас УИХ-д өргөн барьсан “Тэтгэвэр барьцаалсан зээлийн хүүг бууруулах” арга хэмжээ авах тогтоолын төслийг бодит ажил хэрэг болгохыг “Өргүй Монгол” ТББ-аас шаардаж байгаа аж.

ы

Тус байгууллагын эдийн засгийн шинжээч н.Батсуурь “Тэтгэвэрийн зээлийн хүүг 0.3-0.5 хувиар бууруулах хэрэгтэй. Өнгөрсөн оны арванхоёрдугаар сарын байдлаар арилжааны найман банкинд 532 тэрбум төгрөгтэй тэнцэх хэмжээний нийгмийн даатгалын сангийн мөнгө хугацаатай хадгаламж хэлбэрээр байршиж байна. Хадгаламжийн дундаж хүүгийн хэмжээ 10.7 хувь байхад арилжааны банкуудын хадгаламжийн дундаж хүү 13 хувийг даваад байна. Тэгэхээр арилжааны банкууд тэтгэвэрийн зээлээс 18-10.7 хувийн цэвэр ашиг олж байна. Одоо олгогдоод байгаа тэтгэврийн зээлийн үлдэгдэл 354.8 тэрбум төгрөгнөөс зээлийн хүүг тооцвол ахмадууд сардаа 5.3 тэрбум, жилдээ 63.9 тэрбум төгрөгийн хүү төлж байна” гэж ярилаа.

б

Б.Хүлэг