“Дашваанжил газ” компанийн нийслэлийн Баянгол дүүргийн 20 дугаар хороо Таван шард байрлах хийн түлш түгээгүүрийн агуулахад өчигдөр оройн 17:30 цагийн үед хийн түлш дэлбэрч хоёр хүн гэмтсэн байна. Тус газрын ажилтан СХД-ийн22 дугаар хороонд оршин суух хаягтай 38 настай эмэгтэй Н, СХД-ийн 26 дугаар хороонд оршин суух 25 настай эрэгтэй Э нар дэлбэрэлтэд өртөж, нүүрэндээ гэмтэл авч ГССҮТ-д хүргэгдэн эмчлүүлж байгаа аж. Эх сурвалжийн мэдээлж буйгаар хоёр ажилтны нэг түгээгч байсан бол нөгөө нь  Автомашин цэнэглэх станцын эрхлэгч буюу дэлбэрэлт болсон агуулахын түлхүүрийг биедээ авч явдаг байсан гэнэ.

рх

Хийн түлш алдагдсанаас дэлбэрэлт болсон

х

Дэлбэрэлд болсон газар үзлэг шалгалт хийж буй нийслэлийн Мэргэжлийн хяналтын газрын Газрын тос, хийн хяналтын улсын байцаагч Т.Мөнхболдоос дараах зүйлийг тодрууллаа.

х

-Дэлбэрэлт гарсан агуулах нь стандартын дагуу баригдсан байж уу?

-Хийн түлш, тэсэрч дэлбэрэх бодис агуулах байгууламж нь үл шатах материаар хийгдсэн, доторх тоноглол тэсрэлтээс хамгаалагдсан байх ёстой. Дэлбэрэлт гарсан объект  тэр зааврын дагуу баригдсан байсан.

х

-Танай байгууллагаас  өмнө нь “Дашваанжил” газ-д төлөвлөгөөт болон төлөвлөгөөт бус хяналт шалгалт хийдэг байх?

-Нийслэлийн Мэргэжлийн хяналтын газраас жил бүр төлөвлөгөөт шалгалт хийдэг. Өмнө нь шалгалт хийж, зөрчлөө арилгах тухай акт хүргүүлж байсан.

х

-Дэлбэрэлт юунаас болж гарсан юм бол. Урьдчилсан байдлаар дүгнэлт гаргах боломжтой юу?

-Дэлбэрэлтийн улмаас агуулахын гурван талын хана нурсан байдалтай байна. Газ алдсанаас болж дэлбэрэлт гарсан гэж урьдчилсан байдлаар дүгнэж байна. Шингэрүүлсэн хийн баллон, хөргөлтийн хийн баллоныг дэлбэрэлт болсон газраас цагдаагийн байгууллагынхан эд мөрийн баримтаар хураан авсан. Ямар шалтгааны улмаас хий алдагдаж, дэлбэрэлт болсон бэ гэдгийг холбогдох байгууллагууд нь шалгаж тогтооно.

х

 Дэлбэрэлтэд 6х6 метрийн хэмжээтэй хийн тоног төхөөрөмж хадгалах агуулахад  хадгалагдаж байсан эд зүйлс өртсөн учир одоогийн байдлаар хохирлын хэмжээг тооцоолох боломжгүй байгаа аж.

 а

Өглөө бүр аюулгүй ажиллагааны заавар өгдөг

х

“Дашваанжил газ” компанийн хөдөлмөр хамгаалын инженер А.Мөнхбаяраас дараах зүйлийг тодруулав.

х

-Танай компанийн агуулахад дэлбэрэлт болж хоёр хүн гэмтсэн байна. Ажилчдадаа хөдөлмөр аюжлгүй ажиллагааны зааварчилгаа өгсөн үү?

“Тэсрэлт болсон агуулахад тоног төхөөрөмж, плитка, холбогдох хэрэгслүүд зэрэг худалдаалдаг эд зүйлсийг хадгалдаг байсан. Хийн баллон хадгалахын хориглодог. Манай ажил орой 17:00 цагт тардаг. Тухайн досол гарах үед ажил тарсан байсан. Дэлбэрсэн газнууд манайд ашигладаггүй, зориулалтын бус хийн баллон байсан. Би өглөө бүр ажилчиддаа аюулгүй ажиллагааны зааварчилгаа өгч, ажилд нь гаргадаг.

 ө

Энэ хэргийг БГД-ийн цагдаагийн II шалгаж байна.

 ө

Б.Хүлэг