монгол улсын үндсэн хуулийн 66 дугаар зүйлийн 1 дэхь заалт, монгол улсын үндсэн хуулийн цэцэд маргаан хянан шийдвэрлэх ажиллагааны тухай хуулийн 16 дугаар зүйлийн 1 дэхь заалтыг үндэслэн монгол улсын засгийн газрын 2014 оны 12 дугаар сарын 15-ны өдрийн 387 тоот тогтоол монгол улсын үндсэн хуулийн нэгдүгээр зүйлийн 2 дахь заалт “ардчилсан ёс, шударга ёс, эрх чөлөө, тэгш байдал, үндэсний эв нэгдлийг хангах, хууль дээдлэх нь төрийн үйл ажиллагааны үндсэн зарчим мөн. гэж заасныг зөрчсөн гэж үзэж доорхи мэдээллийг гаргаж байна. монгол улсын үндсэн хуулийн нэгдүгээр зүйлийн 2 дахь заалт “ардчилсан ёс, шударга ёс, эрх чөлөө, тэгш байдал, үндэсний эв нэгдлийг хангах, хууль дээдлэх нь төрийн үйл ажиллагааны үндсэн зарчим мөн.” гэсэн заалтыг зөрчсөн тухай: монгол улсын засгийн газрын 2014 оны 12 дугаар сарын 15-ны өдрийн 387 тоот тогтоолын “засгийн газрын тохируулагч болон хэрэгжүүлэгч агентлагийн жагсаалт” гэсэн 1 дүгээр хавсралтад шинэчлэлийн засгийн газрын бүрэлдэхүүнд байсан “цөмийн энергийн газар” хэмээх агентлагыг аль ч жагсаалтад хамааруулаагүй баталсан байна. шинэчлэлийн засгийн газрын бүрэлдэхүүнд байсан цөмийн энергийн газрын чиг үүргийг мэргэжлийн хяналтын ерөнхий газар, ашигт малтмалын ерөнхий газар гэсэн байгууллагуудад хуваан олгож байгаа. монгол улс нь цөмийн энергийн тухай бие даасан хуультай бөгөөд энэхүү хуулийн 11 дүгээр зүйлийн 11.1-т “цацраг идэвхт ашигт малтмал болон цөмийн энерги ашиглах, цөмийн технологи нэвтрүүлэх, цөмийн судалгааг хөгжүүлэх талаар төрөөс баримтлах бодлогыг хэрэгжүүлэх, цөмийн болон цацрагийн хамгаалалт, аюулгүй байдлыг хангах, мэргэжлийн хяналт тавих чиг үүргийг цөмийн энергийн асуудал эрхэлсэн төрийн захиргааны байгууллага /цаашид “төрийн захиргааны байгууллага” гэх/ хэрэгжүүлнэ.” хэмээн заасан байдаг. өөрөөр хэлбэл 11.1-т заасан бүх чиг үүргийг хэрэгжүүлэх төрийн захиргааны нэг байгуулага байх агуулгаар хуульчилсан байдаг юм. гэтэл засгийн газрын 2014 оны 12 сарын 15-ны өдрийн 387 дугаар тогтоол нь дээрхи хуулинд заагдсан чиг үүргүүдийг хэрэгжүүлэх агентлаг буюу төрийн захиргааны байгууллага болох цөмийн энергийн газрыг байхгүй болгосон байгаа нь эдгээр чиг үүргийг эзэнгүйдүүлсэн, хуулийг ноцтойгоор зөрчсөн гэж миний бие гэж үзлээ. мөн дээрхи бие даасан агентлагыг татан буулгаад зогсохгүй чиг үүргийг нь хоёр хуваан мэргэжлийн хяналтын ерөнхий газар, ашигт малтмалын газар гэсэн агентлагуудад тус бүрт нь оногдуулсан гэж байгаа нь тодорхой бус, энэ талаар гарсан хүчинтэй шийдвэр байхгүй байна. ийнхүү чиг үүргийг хоёр хуваах нь цөмийн энергийн тухай хуулийн 11.1 заалтыг мөн зөрчих болно. учир нь цөмийн энергийн тухай хуулийн 11.1-т заасан агуулгаар бол цөмийн энергийн талаархи бүх чиг үүрэг нэг төрийн захиргааны байгууллагад хамаарах агуулгатай юм. иймд манай улсад цөмийн энергийн газар хэмээх байгууллага 2008 оноос хойш тасралтгүй үйл ажиллагаа явуулж байсан бөгөөд цөмийн энергийн тухай хуулийг 2009 оны 07 дүгээр сарын 16-ны өдөр баталсанаар тухайн цөмийн энергийн газрын үйл ажиллагааг бүрэн баталгаажуулж, хуульчилсан болно. мөн монгол улсын засгийн газрын тухай хуулийн 20 дугаар зүйлд “засгийн газрын бүрэлдэхүүн”-ий талаар заасан байдаг. энэхүү 20 дугаар зүйлийн 4 дэхь хэсэгт ерөнхий сайдын эрхлэх асуудлын хүрээнд цацраг идэвхт ашигт малтмал болон цөмийн энерги ашиглах бодлого хамаарна хэмээн заасан байдаг. гэтэл “цөмийн энергийн газар” агентлагыг татан буулгаж чиг үүргийг засгийн газрын тохируулагч агентлаг мэргэжлийн хяналтын ерөнхий газарт, засгийн газрын хэрэгжүүлэгч агентлаг ашигт малтмалын газарт хувиарлаж өгөх гэж байгаа нь дээрхи засгийн газрын тухай хуулийн 20 дугаар зүйлийн 1 дэхь хэсгийг зөрчиж байна. учир нь хуулиар ерөнхий сайдын эрхлэх асуудлын хүрээнд байх ёстой чиг үүргийг монгол улсын шадар сайдын эрхлэх асуудлыг хүрээнд ажиллах мэргэжлийн хяналтын ерөнхий газарт, уул уурхайн сайдын эрхлэх асуудлын хүрээнд ажиллах ашигт малтмалын газарт олгож байгаа юм. иймд энэхүү засгийн газрын 2014 оны 12 сарын 15-ны өдрийн 387 дугаар тогтоол нь монгол улсын засгийн газрын тухай хуулийн 20 дугаар зүйл, цөмийн энергийн тухай хуулийн 11.1 дэхь заалтуудыг тус тус зөрчсөнөөрөө үндсэн хуулийн нэгдүгээр зүйлийн 2 дахь заалт “ардчилсан ёс, шударга ёс, эрх чөлөө, тэгш байдал, үндэсний эв нэгдлийг хангах, хууль дээдлэх нь төрийн үйл ажиллагааны үндсэн зарчим мөн.” гэсэн заалтыг зөрчсөн гэж үзэж байна. иймээс монгол улсын үндсэн хуулийн цэц миний мэдээллийг зохих журмын дагуу шалган монгол улсын засгийн газрын 2014 оны 12 сарын 15-ны өдрийн 387 дугаар тогтоолыг үндсэн хуулийг зөрчсөн эсэхийг тогтоож өгнө үү?

зөндөө хууль зөрчөөд тэр агентлаг татан бцулгаад бна. 70,1 1. үндсэн хуульд хууль, зарлиг, төрийн байгууллагын бусад шийдвэр, нийт байгууллага, иргэний үйл ажиллагаа бүрнээ нийцсэн байвал зохино.