Х.Болдбаатар 18 удаа Солонгос явж казино тоглосон
Х.Болдбаатар дарга 2014 онд л гэхэд 18 удаа Солонгос явж казино тоглосон
b
2008 оны УИХ-ын сонгуулиас хойш Улаанбаатар хот гэлтгvй хөдөө орон нутагт намаараа талцаж, аймаг, сум, дvvргийн удирдлагууд хоёр гурав хуваагдан тэмцэлдсэний балгаар төсвөө хугацаандаа баталж чаддаггvй, засаглалын хямрал нvvрлэж, тухайн нутгийн ард иргэд хамгийн ихээр хохирдог хачирхалтай синдром хаа сайгvй vргэлжилсээр байна. Улаанбаатарын харьяаны Налайх дvvргийн Засаг дарга Х.Болдбаатартай холбоотой шуугиан сvvлийн хоёр сар хvчээ авч одоогоор оргил vедээ орчихоод байгаа аж. Өнгөрсөн амралтын өдрөөр Налайхыг зорьж нэгдvгээр хорооны Баянзvрхийн наймдугаар гудамжны заасан хаягаар очвол дvvргийн ИТХ-ын дарга А.Ганболд тосч уулзан vvсээд байгаа нөхцөл байдлын талаар дараах тайлбарыг хийсэн юм.
f
-За сайхан өвөлжиж байна уу?
-За даа хэрvvл, тэмцэл ихтэй зутруухан л өвөлжиж байна даа.
fg
-Та сая энэ хавийн хогийг ачуулж байсан юм аа даа?
-Өө тийм. Энэ хойд гудамжинд хvн бvл муутай нэг айл хогон дээрээ муу усаа асгаад барьцалдаад хөлдчихсөн, ачиж чадахгvй байна гэнэ. Очиж жолоочтой нь элбээд ховхолж өгч ачилцах санаатай, зав муутай л байна.
f
-Та хэзээнээс Налайх дvvргийн ИХТ-ын даргаар ажиллаж байгаа вэ?
-Би энэ ажлыг 2012 оны 12 дугаар сарын 5-нд хvлээж авсан. Өмнө нь Налайхын уурхайд 30 гаруй жил ажилласан жирийн нэгэн инженер 2012 оны сонгуулиар Налайхад анх удаа АН ялалт байгуулахад Х.Болдбаатар Засаг дарга болж, би ИТХ-ын дарга болсон ухаантай. Өнгөрсөн хоёр жил гаруйн хугацаанд Улаанбаатар хотын ЗДТГ, НИТХ-ын зvгээс Налайх дvvргийн ирээдvй, ард иргэдийн амжиргааг сайжруулах чиглэлээр маш чухал тогтоол шийдвэрvvд гарч, эрчимтэй ажиллаж байгаа боловч сvvлийн vед манай Засаг дарга Х.Болдбаатар гэдэг хувь хvний хариуцлагагvй, сахилга батгvй vйл ажиллагаанаас болоод дvvргийн ажил гацаанд орж, төсөвт байгууллагын албан хаагчид цалингаа хоёр сар хаалгачихаад өр, зээл нь хэцvvдээд сууцгааж байна.
g
-Асуудал юунаас эхлэв. Та жаахан дэс дараатай тайлбарлахгvй юу?
-Засаг дарга Х.Болдбаатар бид хоёр АН-ын гишvvд гэдгийг хэлсэн. Налайх дvvргийн ИТХ-ын 25 төлөөлөгчийн 12 нь АН, 13 нь МАН, МАХН зэрэг бусад намын төлөөлөл байгаа. Бид өнгөрсөн оны 12 дугаар сарын 19-нд хуралдаж 56 хувийн ирцтэйгээр дvvргийнхээ 2015 оны төсвийг баталсан юм. Тэгсэн чинь Засаг дарга Х.Болдбаатар өөртэйгөө ашиг сонирхол, авдаг, өгдгөөрөө нэгдсэн Оч.Ганболд, Ч.Одонхvv, Ш.Хаанаа, Т.Чулуунгэрэл, Өсөхбаяр зэрэг АН-ын гишvvдийг турхираад ИТХ-ын 11 дvгээр хуралдааны шийдвэрийг хvчингvй гээд дайрчихсан. Vндсэндээ тэр өдрөөс хойш Налайх дvvргийн удирдлага хоёр тийшээ харж, ажил урагшаа явсангvй, төсөвт байгууллагуудын 500 гаруй хvний цалинг НИТХ-ын дарга Д.Баттулга, нийслэлийн захирагч Э.Бат-Vvл нарын тушаалаар “тvр горим”-д оруулан хааснаар өнөөдөр хөдөлмөрийн хөлсний доод хэмжээ буюу 192 мянган төгрөгөөр бvтэн хоёр сар цалинжиж байна. Бид бvгдээрээ банкны зээлтэй учир эхнээсээ “Найдваргvй харилцагч” гэдэг хар дансанд орж эхэллээ. Би л гэхэд 580 мянган төгрөгийн цалингийн зээлтэй учир хvvхдvvдээрээ төлvvлээд сууж байна.
g
-Улаанбаатар хотын захирагч Э.Бат-Vvл яагаад Налайхын төсөвт байгууллагын ажилтнуудын цалинг “тvр горим”-д оруулан зогсоочихоод байгаа хэрэг вэ?
-Ерөөсөө л Налайх дvvргийн Засаг дарга Х.Болдбаатарын зvй бус vйлдэлтэй холбоотой. Энэ хvний талаар сvvлийн гурваас дөрвөн сарын турш дvvргийн иргэдээс өдөр бvр гомдол, санал ирсэн. Уг нь надтай л адилхан амьжиргаатай байсан энэ хvн хоёрхон жилийн дотор гурваас дөрвөн байртай болж, өнөөдөр цоо шинэ Ланд-200 маркийн машин унаад давхиж явна. Жирийн сувилагч байсан эхнэр нь “Сузики витара”, хvv, хvргэн нь бvгд шинэ машин авч унацгаасан. 2013-2014 онд Болдбаатар гадаадад 38 удаа явсны ихэнх нь Солонгост очиж казино тоглосон баримт нь байна. Сvvлийн жил гаруйхны хугацаанд газрын наймааг жинхэнэ утгаар нь цэцэглvvлж, тендерийн будлианд удаа дараа хутгалдсныг Налайхын иргэд дуу нэгтэй шvvмжилсээр байгаа тул дvvргийн ИТХ-ын ХI хурлын шийдвэрээр vvрэгт ажлаас нь чөлөөлсөн юм. Гэтэл тамгаа аваад алга болчихсон.
g
-Та хоёр хоёулаа АН-ын гишvvд байж яагаад хамтарч ажиллаж чаддаггvй юм бэ. Эсвэл ямар нэгэн тооцоо байдаг юм уу?
-Би буриад хvн. Ямар нэгэн булхайтай, хулгай, луйврын шинжтэй зvйлтэй эвлэрч чаддаггvй гэх юм уу даа. Арай ахмад хvний хувьд “Болдбаатар аа чиний энэ хууль бус юмнууд чинь хэтэрч байна, битгий архи уугаад бай, ажилдаа хариуцлагатай ханд, байн байн Солонгос яваад байгаа чинь ямар мөнгөөр, ямар учиртай яваад байгаа юм” гэж аргадах, зэмлэх хослуулан наснаасаа олон хэлсэн. Миний vгийг тоож сонсох нь байтугай сvvлийн vед “Хоолонд чинь хор хийж ална, араас хутгалдаг Ганболдыг боож ална” гэж байнга дарамтлах болсон. Vнэндээ Монголын хууль, шvvх энэ хvнийг дийлдэггvй юм шиг байна. Одоо хөлөө гэмтээчихээд ажил дээгvvрээ харагдахаа ч больсон. Харагдахаараа архи уучихсан л байдаг. Өнөөдөр дvvргийн ажил яг зогсчихоод байна.
g
-Та тvрvvн Засаг дарга Х.Болдбаатар газрын наймаа хийгээд байна гэсэн. Баталгаа бий юу?
-Байлгvй яах вэ. Налайхын жирийн иргэдэд 0.7 га байтугай 0.5 га газар олдохгvй байхад Х.Болдбаатарыг тойрон хvрээлж, архиар дайлж цайлж, хээл хахуулийн журмаар асуудлаа шийдvvлсэн хvмvvс гурав, дөрвөн айлын газрыг нийлvvлсэн юм шиг том газруудыг олноор нь хашаад авчихсан. Хууль бусаар газар авсан иргэдийн дунд хятад хvн ч байгаа. Өнөөдөр Налайхад vйл ажиллагаа явуулж байгаа тоосгоны 16 vйлдвэрийн 11 нь хятад эзэнтэй. Засаг даргын газрын хууль бус наймааны талаар иргэдээс ирvvлсэн санал, гомдол хангалттай бий.
h
-Өнөөдөр Налайхын ямар байгууллагууд цалингаа авч чадахгvй байгаа юм бол?
-Налайхын ИТХ дахь АН-ын 11 гишvvний турхиралтаар 2015 оны төсвөө баталж чадаагvй нэрээр Улаанбаатар хотын захирагч Э.Бат-Vvл “тvр горим” баталсан тухай албан бичиг өнгөрсөн пvрэв гараг буюу хоёрдугаар сарын 5-нд ирсэн. Энэ дагуу ТVК, Ахмадын хороо, Чандмань Налайх, Цэцэрлэгжvvлэлтийн алба зэрэг туйлын бага цалинтай, арай гэж амьдралаа авч яваа, банкны зээлийн өртэй 500 гаруй хvн сард 192 мянган төгрөгийн цалингаар амьдарч байна. Хэдийгээр би АН-аас Налайхын ИТХ-ын даргаар томилогдсон ч сvvлийн vед “Би намын хvн биш, Налайхын хvн” гэж Засаг дарга Х.Болдбаатар болон тvvнийг тойрон хvрээлэгч ИТХ дахь АН-ын 11 төлөөлөгчтэй vзэлцэж явна. Дvvргийн ИТХ-ын олонх буюу 14 төлөөлөгч нь Засаг дарга Х.Болдбаатарыг огцруулахаар санал өгч баталгаажуулчихаад байхад хууль бус Засаг даргыг хамгаалдаг 10-20 журам байдаг юм байна. Өнөөдөр бид ингээд хvчин мөхөсдөж, Налайх дvvрэг авлигач, ажил дээрээ архиддаг, газрын хууль бус наймаагаар хоёрхон жилийн дотор хагартлаа баяжсан Засаг даргатай л сууцгааж байна.
b
-Налайх дvvрэг ажилгvй иргэн олонтой, амжиргааны тvвшин доогуур байхад Засаг дарга, ИТХ хоёр нь хоёр тийшээ хараад суучихаар иргэдийнх нь амьдрал улам л дордож байгаа даа?
-Тэгэлгvй яах вэ. 2012 оны НVБ-ын судалгаагаар Налайх дvvрэг ядуурлын тvвшингээр 46.6 хувьтай гарсан нь Монгол Улсад толгой цохиж байгаа тааруухан vзvvлэлт л дээ. Налайхын иргэдийн дунд явуулсан судалгаагаар хамгийн тулгамдаж байгаа асуудлууд нь хогноос нь салгах, жилд 500 гаруй хvн уруулж байгаа золбин нохдын асуудлыг цэгцлэх, гэр хорооллын гэрэлтvvлэг, гэмт хэргээс урьдчилан сэргийлэх ажилд эргэлт гаргаач гэсэн дөрөв тавхан асуудлыг шийдэж чадахгvй л сууцгааж байна. Уурхайн 100 жилийг аятайхан тэмдэглэх, цаашлаад Налайхын 35 мянга гаруй иргэдийг яс vндэс, шашин шvтлэг ялгалгvй ажилтай, орлоготой болгочих юмсан гэж өдрийн бодол, шөнийн зvvд болж явахад хажууд нь ийм л нэг яаж ч болохгvй Засаг даргатай болчихоод учраа олохгvй сууж байна. Одоогоор Засаг дарга Х.Болдбаатар болон тойрон хvрээлэгчдийнх нь асуудлыг АТГ шалгаж эхэлсэн дуулдсан. Бушуухан нэг тийш болгохгvй бол Налайхын амьдрал улам л муудах шинжтэй болчихлоо. Өнгөрсөн онд л гэхэд 18 удаа Солонгос явж казино тоглосон Засаг дарга Х.Болдбаатарын дураараа дургилт vнэхээр дэндлээ.
g
-Та Засаг даргатайгаа нийлж газрын наймаа хийгээд хоёр гурван байртай болчихгvй яагаад өнөөдөр ингээд гэр хороололд нvvрс vнэртvvлээд сууж байгаа юм бэ?
-Ах нь гурван хvvхэдтэй. Насаараа уурхайд нvvрсний тоосон дунд амьдарсан хvн. Бага охин Солонгост, том нь хотод, дундах нь Налайхдаа гар утас засаад бид хоёрт дэм болоод амьдарч байна. Би насаараа улсдаа vнэнчээр хөдөлмөрлөж яваа жирийн л нэгэн. Яагаад ч хулгай, луйвар хийж чадахгvй. Өнөөдөр энэ хавийнхаа айлуудыг хогноос нь салгачих санаатай. Товчхондоо ийм шив дээ.
fg
Эх сурвалж:
СЭТГЭГДЭЛ БИЧИХ