Фэйсбүүкийн үүсгэн байгуулагч Марк Цукерберг Сан Франциксогийн эмнэлэгт 75 сая ам.долларын хандив өргөсөн тухай “www.dailymail.co.uk” мэдээллээ. Тэрбээр өчигдөр гэргий Присцилла Чаны хамтаар тус эмнэлгийн удирдлагуудтай уулзаж, хандиваа өгсөн байна.

.

Цукерберг “Эхнэр минь 10 гаруй жилийн турш эмнэлгийн байгууллагад ажилласан нэгэн. Тэрбээр гараагаа Сан Франциксогийн эмнэлгээс эхэлж байсан. Энэ эмнэлэгт амьжиргааны түвшин доогуур, эм тариа худалдан авахад хүндрэлтэй, нийгмийн доод түвшний хүмүүс хэвтэн эмчлүүлдэг. Тэдэнд бага ч гэсэн тусламж үзүүлэхийг хүсдэг тухайгаа эхнэр минь ярьж байсан. Тиймээс л би энэхүү эмнэлгийн эмч, сувилагчдын хүмүүнлэг занг нь өндрөөр үнэлж, хандив өргөхөөр боллоо” гэж хэлжээ.

Эмнэлгийн удирдлагууд дээрх хандивыг хүлээн авсны дараа Сан Франциксогийн эмнэлгээ Марк Цукерберг болон Присцилла Чаны нэрэмжит болгосон байна.

1

Б.Дэлгэрцэцэг