Мэргэжлийн хяналтын ерөнхий газрын даргын үүргийг түр орлон гүйцэтгэж байсан Ш.Раднаасэд өнөөдөр ажлаа хүлээн авлаа. Тэрбээр 1998-2000 онд Хууль зүйн яамны Стратеги, төлөвлөлтийн газарт мэргэжилтэн, 2000-2007 онд Засгийн газрын Хэрэг эрхлэх газарт шинжээч, референт, 2007-2008 онд Авлигатай тэмцэх газрын хэлтсийн даргаар ажиллаж байжээ. Мөн 2008-2009 онд Ерөнхийлөгчийн Хуулийн бодлогын зөвлөх, 2010 оноос МАН-ын Ерөнхий нарийн бичгийн даргын зөвлөх, Намын байгуулалтын хэлтсийн дарга, МАН-ын Хэрэг эрхлэх газрын дарга, УИХ дахь МАН-ын бүлгийн Ажлын албаны даргаар ажиллаж байсан аж.

б

МХЕГ-ын даргын үүргийг нэг жилийн хугацаанд гүйцэтгэсэн Д.Батмөнх өөрийн хүсэлтээр ажлаасаа чөлөөлөгдөж буй. Түүнийг өнгөрөгч оны нэгдүгээр сарын 11-ний өдрийн  Засгийн газрын хуралдаанаар МХЕГ-ын даргаар томилж байсан юм.

б

Б.Хүлэг