Өчигдөр орой олон нийтийн фейсбүүк цахим хуудсанд  https://www.facebook.com/tulga.enkhee хаягаар Завхан аймгийн Дөрвөлжин сумын нутагт айлын гэрт хагалгаа хийж буй эмч нарын зураг бүхий мэдээллийг оруулсан байсан юм. Уг мэдээллийг холбогдох албаныханаас тодруулахад Улаанбаатар хотоос 1500 гаруй километр алслагдсан баруун бүс нутгийн иргэдэд эрүүл мэндийн оношилгоо, тусламж үйлчилгээг хүргэдэг Ховд аймагт байрлах Бүсийн оношилгоо, эмчилгээний төвийн эмч нар алсын дуудлагаар Завхан аймгийн Дөрвөлжин сумын Онц багийн нутагт хүрч, хүний алтан амь аварсан гэсэн юм.

a

Ингээд уг мэдээллийг анх нийтэлсэн Т.Энхцэцэг эмчтэй утсаар холбогдож, багахан ярилцлага авснаа хүргэж байна.

a

-Юуны өмнө өөрийгөө танилцуулаач. Фейсбүүк хуудсандаа оруулсан зургийг тань хараад бахархах сэтгэл төрсөн шүү. Энэ үйл явдал хэзээ хэрхэн өрнөсөн юм бэ?

-Намайг Тулгаагийн Энхцэцэг  гэдэг. Ховд аймгийн бүсийн оношлогоо эмчилгээний төвийн сэхээн амьдруулах, мэдээгүйжүүлэх гемеодиализийн их эмч. Энэ дуудлага  уржигдар орой буюу хагас сайн өдрийн оройн 23 цагийн үед манай эмнэлэгт ирсэн. Алсын дуудлагад хагалгааны баг яаралтай яв гээд 23.30 цаг гэхэд Бид Ховд аймгийн Дөргөн сумыг зорьсон. Дөргөн  сум руу очиход сумаас цаашаа дахиад 100 гаруй км-т байдаг айл  гээд мөсөн дээгүүр хүртэл давхисаар өглөөний 05 цагийн үед очсон.  Айлдаа очиход ганц гэрээрээ байдаг малчин айл байсан. Гэрт тэр айлын эхнэр нөхөр  хоёр, ах дүү нар нь дуудагдаад ирчихсэн. Дөргөн сумын эмнэлгийнхэн байсан.

a

Бидний очсон газар нь байршлаараа Завхан аймгийн Дөрвөлжин сумын онц багийн харъяа нутаг юм билээ. Тэгээд бид хүнээ үзсэн. Доошоо цус алдсан байдалтай. Эхийг тээвэрлэх ямар ч боломжгүй,  эхэс ховхорсон байсан тул яаралтай хагалгаа орохоор болсон. Мэдээж хагалгаа орох шаардлагатай учраас тог хэрэгтэй. Сумын эмнэлгийнхэн  бидэнд мотор асааж, тог гаргаж өгсөн. Бид нар гэрт хагалгаа хийхэд бэрхшээлтэй байсан. Айл учраас хагалгааны нөхцөл их хүнд. Гэрт нь ширээ байхгүй бид авдар дээр нь ор засаад эхийг хэвтүүлж байгаад хагалгаа хийсэн. Мэдээж  хагалгаа хийх явцад суух сандал ч байхгүй, суух ч боломжгүй тонгойж байгаад л эх хүүхэд хоёрын амь насыг аварч, хагалгаа амжилттай болсон.

й

Хагалгааг  06.05 цагт эхлүүлж, 07.15 цагт хагалгааг дуусгасан. Өдөр дунд болтол хүнээ хянаж, эх хүүхдийн биеийн байдал сайн байсан тул сумын  эмнэлэгт тэднийг  хүлээлгэж өгөөд  буцсан.

ы

-Та  Ховд аймгийн бүсийн оношлогоо эмчилгээний төвд хэчнээн жил ажиллаж байна. Анхны алсын дуудлагаар ажиллаа гэж бичсэн байсан?

-Би мэдээгүйжүүлэгч, эрчимжүүлэгч эмч хүн. Тэр хагалгааны унтуулах эмч. Би 2014 оны 10 сард төгссөн. Энэ оны хоёрдугаар сарын 1-нээс дөнгөж энэ ажилдаа орсон шинэхэн эмч. Хамгийн анхны алсын дуудлага маань хөдөө гэрт болж байгаад маш их баяртай байгаа. Маш их билэгшээж байна. Маш олон хүн амжилт хүсэж байна.

й

-Алсын дуудлагаар очоод гэнэтийн ийм хагалгаа хийх тохиолдод хэр их гардаг юм бэ. Энэ талаарх мэдээллээсээ хуваалцаач?

-Би бол дөнгөж шинэхэн ажилтан анхны тохиолдол минь болохоос манай Ховд аймагт хөдөө гэрийн хагалгаа мэр сэр  гардаг гэж байсан. Саяны хагалгаанд гурван эмч, гурван сувилагч, жолоочтойгоо явсан. Бид хүнээ аварчихсан сэтгэл санаа их сайхан, амжилттай хагалгаанаас буцаж явахдаа энэ талаар зөндөө ярилцсан. Гэрийн хагалгаа хагас жилдээ нэг удаа тохиолддог, манай эх барих  төрөх тасгийн эмч нар маань энэ бол байдаг л зүйл гэж хэлж байсан.  Миний хувьд дөнгөж саяхан төгсөж ирсэн гэдэг утгаараа фейсбүүк хуудсанд мэдээллээ хуваалцсан юм. Тэгээд л олон нийтэд их хүрсэн байна. Орон нутгийн эмч нар энэ талаараа нэг их мэдээлээд байдаггүй болохоос энэ төрлийн хагалгааг хийсээр ирсэн юм байна лээ.

быйы

-Ажлын анхны гараа  нь амжилттай эхэлж байгаад баяр хүргэе. Гэхдээ иргэд эмч нарыг чадваргүй, чадалгүй гэж элдвээр хэлж, итгэх итгэл нь суларчихсан энэ цаг үед хүний алтан амийг аварсан эмч нарын тухай мэдээлэл гарч байгаа нь их сайхан байна. Тиймдээ Монголынхоо эмч нарт итгэх итгэлийг сэргээсэн үйлдэл боллоо гэж харж байна. Нөгөө талаараа жинхэнэ эмч нар хөдөө орон нутгаас бэлтгэгдэж байна гэж үзэж болох уу?

-Тийм ээ. Дөнгөж төгсөөд ирсэн залуу эмч нар яг халуун цэг дээр ажиллаж байна. Бидэнд  сурах юм их байна. Надад үнэхээр сайхан санагдсан. Яг гардан ажилласнаар маш их итгэл, урам зориг олж авлаа. Бүх монголынхоо эмч нарт амжилт хүсье. Чадварлаг шинэ боловсон хүчин маш олноор төгсөж гарч байгаа. Залуу эмч нараа сайн дэмжиж туслаж байгаарай.

ы

-Эрүүл энхийн манаанд зогсох ариун үйлсэд нь амжилт хүсье.

-Баярлалаа. Эмч нартаа их итгэл  хүлээлгэх юм бол чадалтай эмч нар маш олон байгаа шүү гэдгийг л хэлье дээ.

ы

ы

П.Наран