Хүн амын хөгжил, нийгмийн хамгааллын яам, түүний харьяа агентлагууд хамтран жил бүр сар шинийн баярыг угтан Батсүмбэр дэх Ахмадын асрамж, хөгжлийн үндэсний төвийн ахмадуудад хүндэтгэл үзүүлдэг уламжлалтай билээ. Энэхүү уламжлалын хүрээнд "Сэтгэлтийн дэм" өдөрлөгийг энэ сарын 10-нд зохион байгууллаа. Тус өдөрлөгт ХАХНХ-ын дэд сайд Б.Мөнхбаатар болон НДЕГ-ын дарга Ц.Уртнасан, НХҮЕГ-ийн даргын үүрэг гүйцэтгэгч Ц.Алтанчимэг,  ХТҮГ-ын Тамгын газрын дарга Э.Одбаяр, СЗХҮТ-ийн ерөнхий захирал Б.Нарантуяа болон албаны бусад төлөөлөл оролцлоо.  Ахмадуудад сар шинийн баярт зориулан тавгын идээ, гарын бэлэг гардуулан өгсөн. Ахмадын асрамж, хөгжлийн үндэсний төвд одоогоор 120 ахмад асруулж байна.