УИХ-ын чуулганы нэгдсэн хуралдаанаар ҮСХ-ны даргыг томилох асуудлыг хэлэлцэж байлаа. ҮСХ-ны даргаар С.Мэндсайханыг улируулан томилох саналыг УИХ-ын дарга танилцуулсан юм. Хэлэлцэж байгаа асуудалтай холбоотойгоор гишүүд нэр дэвшигчээс асуулт тавьж байлаа. УИХ-ын О.Содбилэгийн асуултад хариулахдаа тэрбээр “УИХ-ын гишүүн Содхүүгийн асуултад хариулъя” хэмээн хэдэнтээ давтан хэлж будилав. Үүнд эгдүүцсэн эрхэм гишүүн О.Содбилэг “Та ҮСХ-ны дарга нь УИХ-ын гишүүний нэрийг мэдэхгүй байж төрд яаж үнэн зөв тоо өгдөг юм бэ. Чуулганы хуралдааны танхимд дэлгэц дээр гишүүдийн нэр гардаг. Үүнийг хараад хэлж чадахгүй “Содхүү” гээд байх юм” хэмээлээ.

ө

Спикер “ҮСХ-ны дэд даргаар саяхан Содхүү гэж хүн томилогдсон. Тиймээс нэр сольж андуурсан байх” хэмээн санал болгосон нэр дэвшигчээ өмгөөлөх, О.Содбилэг гишүүнд учирлахын завсар тайлбар хийв.

ө

Н.Нягт