УИХ-ын чуулганы хуралдаанаар Ашигт малтмалын тухай хуулийн төслийг хэлэлцэх эсэхийг хэлэлцэж  байна.  Хуулийн төслийг  ЗГХЭГ-ын дарга С.Баярцогт гишүүдэд танилцуулав. Байнгын хорооны дүгнэлтийг гишүүн Л.Энх-Амгалан уншлаа.  Хэлэлцэж байгаа асуудалтай холбогдуулан гишүүд Стратегийн ордоос төрийн эзэмшин хувийг үнэ цэнэтэй байлгах талаар уг төсөлд тусгажээ. Төрийн эзэмшлийн хувийг роялтийн төлбөрөөр орлуулах хуулийн төсөлд гишүүд шүүмжлэлтэй хандаж байлаа. Тэр дундаа ЗГХЭГ-ын даргыг огцруулахаар өргөн барьсан нэр бүхий гишүүдийн нэг УИХ-ын гишүүн Ц.Даваасүрэн:

-Ийм зүйл болох гээд байсан юм. Би мэдээд байсан юм.  Оюутолгой Монголын хувьтай зарагдвал хямдхан зарагдана. Монголын хувьгүй зарагдвал үнэтэй. Их муухай нь ард түмнээсээ асуулаа гээд байна. Оюутолгойгоо дахиад хөдөлгөлөө гэх нь. Оюутолгойн 34 хувийг нөөц ашигласны төлбөрөөр солих нь. Жижиг орнууд уул уурхайгаа төрийн өмчиндөө байлгаад хөгждөг. Энэ их ноцтой зүйл. Эдийн засгийн аргаар Монгол орныг яагаад сөнөөх гээд байна вэ? Стратегийн ордоо бусад улс орнууд хувьд өгөхгүй байгаа. Энэ зүйлээ зогсоо. Ийм муухай зүйл хийж болохгүй. Бидний гараар харийнхан юм хийлгэж байна. Үүнийг би ойлгохгүй байна.  Сүүлдээ ард түмний тэвчээр алдагдах вий дээ хэмээсэн. Үүнд:

ЗГХЭГ-ын дарга С.Баярцогт:

-Р.Жигжид сайд Ерөнхий сайдтай гадаадад айлчилж байгаа. Тиймээс би танилцуулсан. Ингэж популизм хийж байж дараагийн сонгуульд гарч ирнэ гэвэл ард түмэн таныг танина. Сонголт л олгож байгаа. 15 стратегийн орд дээр яригдаж байгаа. Хувь хүнтэй холбож тайлбарлаад  түүгээр амьдарна гэж байгаа бол улс төр тэгж явдаггүй юм  гэхэд УИХ-ын гишүүн Ц.Даваасүрэн:

-УИХ-ын гишүүн ард түмний төлөөл байдаг. Та нар тэгж хэлж чадахаа байсан, гадаадынхны гар хөл. Амьдрал шүүнэ хэмээн уурсав.

УИХ-ын чуулганы хуралдаан үргэлжилж байна.