Дуучин Кристина Агилера шинэ авьяаслаг дуучин болон хамтлагийг гаргах зорилготой  “The Voice” шоундаа эргэн ирж буйгаа мэдэгдлээ. Тэрбээр өнгөрсөн оны нэгдүгээр сард жирэмсэн болсон тул “The Voice” шоутай байгуулсан гэрээгээ цуцалсан билээ. Гурван улирал өнжсөний эцэст дуучин бүсгүй шоуны удирдлагуудтай дахин гэрээ байгуулж, шүүгчээр ажиллахаар болжээ. Дуучин бүсгүйн оронд дуучин Шакира, Гвен Стефани, Рианна нар шүүгчээр ажиллаж байсан юм.  

Шоуны ерөнхий зохион байгуулагч Филипп “Агилера онцгой нэгэн. Түүнийг хэн ч орлож чадахгүй. Дахин хамтрах болсондоо баяртай байна” гэжээ. “The Voice” шоу ирэх сарын 1-нээс эхлэн “NBS”телевизээр цацагдах билээ. Шинэ улирлын шүүгчдийн зургийг тус шоуны албан ёсны цахим хуудаст нийтэлсэн байна. Шоуны шүүгчээр “Maroon 5” хамтлагийн дуучин Адам Левин, дуучин Кристина Агилера, Карсон Дали, Блаке Шелтон болон Фарелл Уильямс нар ажиллахаар болжээ.

Б.Дэлгэрцэцэг