Реппер Кейни Уэст болон Реалити шоуны од Ким Кардашиан нар өчигдөр Нью Йорк хотноо зохион байгуулагдсан “Хар” гэх загварын шоунд охин Норт Уэстээ дагуулан иржээ. Загварын шоуны тайз, загвар өмсөгчдийн хувцас болон шоуг үзэхээр ирсэн үзэгчдийн ихэнх нь хар өнгийн хувцас өмсснөөс гадна сүнсний баярыг санагдуулам дуунаас болж Нори охин дахин уйлсан тухай “www.dailymail.co.uk” мэдээллээ.  Нори “Би айгаад байна. Эндээс гармаар байна” хэмээн орилж, маш чангаар уйлжээ.  Аав нь охиноо аргадахыг оролдсон ч зохион байгуулагчид тэднийг гарахыг шаардсан байна. Реппер залуу охиныхоо хамтаар танхимыг орхиж, харин Ким үлджээ.

Энэ үйл явдлын дараа Ким твиттертээ “Охиноо жоохон том болохоор нь загварын шоунд дагуулан ирэх нь зөв бололтой. Твиттер, фэйсбүүк, инстаграмаас дүүрэн охины минь уйлж буй зургууд. Энэ бүхнийг харах тухгүй байна” гэж жиргэжээ. Өнгөрсөн баасан гаригт Ким охиныхоо хамтаар Нью Йоркийн загварын долоо хоногийн үзсэн юм. Энэ үеэр “Нори халууцаад байна” хэмээн орилж, уйлсан билээ. Ким аргагүйн эрхэнд танхимыг орхин гарч, гэртээ харьсан юм.

Б.Дэлгэрцэцэг