Дуучин Лейди Гага 2011 оноос эхлэн үерхэж буй жүжигчин Тэйлор Кеннитэй өнгөрсөн оны арваннэгдүгээр сард хуримаа хийжээ. Тэднийг өнгөрсөн он хуримаа хийсэн хэмээн хэвлэлүүд мэдээлж байсан ч Гага өнөөдрийг хүртэл ямар ч тайлбар хийгээгүй юм. Нью Йорк хотноо өчигдөр зохион байгуулагдсан загварын долоо хоногийн үеэр дуучин бүсгүй хуримаа хийснээ албан ёсоор баталсан тухай “www.dailymail.co.uk” мэдээллээ.

1

Тэрбээр “Удаан хугацаанд нууцалсныг минь уучлаарай. Бид хуримаа хийгээд 3, 4 сар болж байна. Би хуримаа хийснээсээ хойш хоолоо өөрөө хийж байгаа. Би айлын эзэгтэй болохоор уйгагүй хичээллэж байна” гэж хэлжээ. Тэйлор “Бидний хурим гайхалтай, давтагдашгүй болсон. Гага хуримынхаа үеэр яг л сахиусан тэнгэр шиг харагдаж байсан” гэсэн байна.

Гага хуримынхаа үеэр хар өнгийн хуримын даашинз өмсчээ.

1

Б.Дэлгэрцэцэг