Жил бүрийн Сар шинийн нэгний өглөө нийслэлийн иргэд Тасганы овоон дээр гарч нарандаа мөргөж хүслээ шивнэдэг уламжлалтай. Учир нь Цагаан сарын шинийн нэгэнд уул, овоондоо хүндэтгэл үзүүлэн, идээ будааны дээжээ өргөн эх орон, гэр бүлээ даатгах нь ирж жилдээ их сайн, сайхныг авчирдаг хэмээн үздэг. Цайны дээжээ өргөх ижий, үр хүүхдээ даатган сүсэглэх өвгөд, буурай, уламжлалаа хүндэтгэх залуус овоог гурвантаа тойрч, энгийн иргэд, төрийн цагдаа, бөө, удган гээд сүсэг бишрэлээрээ цугласан хүмүүс тус тусын ёсыг үйлдэж байсан юм.

бйы

Дашрамд дуулгахад, Тасганы овоо нь дээр үед Зөвлөн хошуу гэдэг нэртэй байжээ. Учир нь хүрээнийхэн зааны хошуу шинжтэй гэж шинжээд хэвтэж байгаа заан дэвссэн хошуутай адилтган өгсөн нэр юм. Зааныг догшин хэмээн номхтгох үүднээс үзүүр бэлдэн номхтголын сүм барьсан нь одоогийн Гэсэр сүм юм. Сүүлд нь лам нар овооны орой зулай дээр гарч номын хүчээр “мэтгэлцэх тасаг”  хэмээх зан үйл хийх болсноор “Тасганы овоо” гэж нэрлэх болжээ.

б

ый

П.Наран

Гэрэл зургийг Б.Дэрмээ