АНУ-ын Төрийн нарийн бичгийн дарга Жон Керри “Нормандын дөрвөл”-ийн байгуулсан Минскийн гэрээг “Орос зөрчиж байна” хэмээн буруутгасан тухай “www.aljazeera.com” мэдээллээ. Тэрбээр “Украины хямралыг зогсоох эсэх асуудлаар Оросын байр суурийг сонсох шаардлага байхгүй. Орос салан тусгаарлагчдыг зэвсгээр хангадаг. Босогчдыг зэвсгээр хангадаг улстай энхий хэлэлцээр хийх нь утгагүй хэрэг. Өнөөдрийг хүртэл салан тусгаарлагчид зэвсгээсээ татгалзаагүй байна. Тиймээс Орос гэрээнд заасан нөхцлөө биелүүлэхгүй байна” гэж хэлжээ.   Керри энэ сарын 4-5 өдрүүдэд Москвад айлчлах байсан ч, тодорхойгүй хугацаагаар айлчлалаа хойшлуулсан байна. Тэрбээр энэ тухайгаа ““Нормандын дөрвөл” уулзана гэдгийг сонсоод айлчлалаа хойшлуулсан. Оросыг чин сэтгэлээсээ Украины ард түмнийг хамгаална гэдэгт итгэсэн учир. Гал зогсоох гэрээ хэрэгжээд 12 хоногийн хугацаа өнгөрөхөд зүүн хязгаарт 100 гаруй хүн амиа алдлаа” гэж Керри хэлжээ.   Б.Дэлгэрцэцэг