Иракийн хэт даврагч “Халифын вант улс” бүлэглэлийн дайчин Жихади Жон гэгч АНУ-ын сэтгүүлч Стивен Сотлоф, АНУ-ын тусламжийн ажилтан Абдул-Рахман Касси, Британийн иргэн Дэвид Хэйнс, Алан Хеннинг Японы иргэн Харуна Юкава, Кенжи Готогийн аминд хүрсэн билээ.

Жихади Жоныг Их Британи улсын иргэн гэж тус улсын Засгийн газраас баталсан тухай “www.dailymail.co.uk” мэдээллээ. Түүнийг Мухаммед Эмвази гэдэг. 1988 онд Кувейтэд төрж, зургаан настайдаа Британид цагаачилж иржээ. Тэрбээр 2009 онд Лондонгийн Уэстминстрийн Их сургуулийн компьютер, програм хангамжийн ангийг төгссөн байна.  

Тагнуулын албанаас мэдээлснээр “Мухаммед Эмвази 2012 оны нэгдүгээр сар Сири улс руу явч, хэт даврагч болсон” гэжээ. Ерөнхий сайд Дэвид Камерон “Жихади Жон гэх нэрээрээ олон улсад танигдаад байгаа Мухаммед Эмвазиг заавал баривчилж, хуулийн дагуу шийтгэх болно” гэж мэдэгджээ.

Б.Дэлгэрцэцэг