Хонконгийн оюутан залуус шүхэрт хувьсгалынхаа хүрээнд эх газраас ирсэн хятад худалдаачдыг эсэргүүцэж, цагдаагийнхантай мөргөлдсөн тухай “www.dailymail.co.uk” мэдээллээ. Жагсагчид хятад эзэнтэй худалдааны төвүүд рүү дайрч, 10 гаруй хүний биед гэмтэл учруулсан байна. Хонконгийн Монконг гудамжны ойролцоо байрлах “Бээжинд тавтай морил” гэх найман давхар худалдааны төв рүү шар өнгийн шүхэр барьсан 100 гаруй оюутан дайрч, их хэмжээний хохирол учруулсан байна.  

Оюутнууд худалдааны төвүүд рүү чулуу шидэж, үүдэнд нь хогийн хутгуур байрлуулаад “Өөрсдийн хүсэлтээр эх орныг минь орхихгүй бол та нарыг хутгууранд хийгээд, хогийн сав руу хийнэ шүү” гэж мэдэгджээ.  Цагдаа нар жагсагчдыг тараахын тулд даралттай ус, нулимс асгаруулагч ашигласан байна.

Б.Дэлгэрцэцэг