Оросын улстөрч Борис Немцовын аминд хүрсэн байх магадлалтай 27-55 насны таван залууг цагдаа нар Ингушетээс баривчилж, өчигдөр Москва хотноо авчирсан билээ. Баригдсан этгээдүүдийн нэг Заур Дадаев өчигдөр мэдүүлэг өгч Немцовын аминд хүрснээ хүлээсэн тухай “www.dailymail.co.uk” мэдээллээ. Тэрбээр “Немцовын аминд хүрсэн шалтгаан бий. Үнэнийг хэлэхэд Францын “Charlie Hebdo” сэтгүүл исламын шашны тэргүүн Мухаммедийг шоглосон нь олон хүнд хүндээр туссан. Би болон минийн гэр исламын шашинтай. Харин Немцов бидний шашинг доромжилж, уландаа гишгэсэн” гэж хэлжээ.

Исламын шашинтнууд сонины байр руу халдаж, 12 хүний аминд хүрсний дараа Немцов блогтоо “Харгис балмад, дундад зууны шашин гэгддэг исламын шашны хохирогчдод эмгэнэл илэрхийлье” гэж бичжээ. Баригдсан таван этгээдээс Заур Дадаев улстөрчийн аминд хүрснээ хүлээн зөвшөөрөөд байгаа юм. 

Б.Дэлгэрцэцэг