Оросын “Россия 1” телевизээр “Крым. Эх орон минь хүлээж байна” гэх баримтат кино цацагдахаар болсон байна. Баримтат кинонд Ерөнхийлөгч В.Путин Крымийг ОХУ-ын эх газарт нэгтгэх болон Укрианы экс Ерөнхийлөгч Виктор Януковичийг аврахын тулд хэрхэн нууц ажиллагаа явуулж буй тухай өгүүлэх гэнэ. Өчигдөр дээрх баримтат киноны эхний трейлер цацагдсан тухай “www.dailymail.co.uk” мэдээллээ. Путин өмнө нь “Крымийн ард түмэн Орост нэгдэх хүсэлтээ өөрсдөө гаргасан. Би тэдний сонголтыг хүндэтгэсэн учир Крымийг хүлээн авсан” гэж хэлж байжээ.

Өнгөрсөн 2013 оны хоёрдугаар сарын 3-нд Украины сөрөг хүчнээр удирдуулсан 100 мянган хүн Киев хотноо жагсаал зохион байгуулсан юм. Олон сарын турш үргэлжилсэн эсэргүүцлийн жагсаалын дараа Янукович суудлаасаа бууж, улмаар эх орноо орхин гарсан билээ. Янукович Украинаас нууцаар гарсны дараа В.Путин Аюулгүйн албаа шуурхай хуралдуулсан байна. Тэрбээр хуралдааны үеэр ямар ч аргаар хамаагүй Януковичийн амийг аврахыг даалгаж буйгаар баримтат кинонд гарах гэнэ. Улсын нууцын зэрэглэлтэй материал хаанаас олсноо “Россия 1” удирдлагууд мэдэгдээгүй ч “Путиний буруу шийдвэр Украины хямралыг эхлүүлсэн” гэж хэлжээ. Энэхүү баримтат кино хэзээ нээлтээ хийх нь тодорхогүй байна.

Б.Дэлгэрцэцэг