“Монголбанк ба эдийн засгиийн хямрал” сэдэвт нээлттэй хэлэлцүүлэг маргааш Тусгаар тогтнолын ордонд болно. Уг хэлэлцүүлгийг МАН-ын Шинэчлэлийн хорооноос зохион байгуулж байгаа бөгөөд сонирхсон хүн бүрт нээлттэй аж.

2012 оны дараа байгуулагдсан Шинэчлэлийн гэх Засгийн газрын буруу бодлого, алдаатай үйл ажиллагаанаас болж улсын эдийн засгийг хямраасан, иргэдийн амьжиргааг доройтуулсан гэж Шинэчлэлийн хороо үзэж нэр бүхий хүмүүсийг Эдийн засгийн алуурчнаар нэрлэсэн. Экс Ерөнхий сайд Н.Алтанхуяг, сангийн сайд асан Ч.Улаан, эдийн засгийн хөгжлийн сайд асан Н.Батбаяр нараас гадна Монголбанкны ерөнхийлөгч Н.Золжаргалыг эдийн засгийг хямраасан эзнээр нэрлэсэн. Үүнээсээ хойш МАН-ын Шинэчлэлийн хороо эдийн засгийн алуурчдад хариуцлага тооцуулах, УИХ-ын гишүүдийг эргүүлэн татуулах, Монголбанкны ерөнхийлөгчийг огцруулах зэрэг санаачлагыг тогтмол гаргаж байгаа. Эдийн засгийг хямраахад төгрөгийн тогтвортой бодлогыг хэрэгжүүлж, хуулиар хүлээсэн үүргээ биелүүлээгүй гэж үзэж Монголбанкны ерөнхийлөгчийг огцруулах санаачлагынхаа ээлжит ажил болгож "Монголбанк ба Эдийн засгийн хямрал" хэлэлцүүлгийг зохион байгуулах гэж байгаа аж.

1

Б.Дэжид