Дэлхийн аварга шалгаруулах тэмцээний урьдчилсан шатны тоглолтод учраа таарсан Монгол-Зүүн Тиморын тоглолт яг одоо үргэлжилж байна. Тоглолт эхлээд удаагүй /7, 10/ байхад гурван минутад Монголын баг 2 гоол алдсан.  Гоолыг Chiquito do Carmo оруулсан билээ.

ө

Монголын хөлбөмбөгчид 100 хувь гоолын боломж гаргаагүй учир хамгаалсан тоглолт үзүүллээ. Тоглолтын 30 дахь минутад манай багийн хамгаалагч Ц.Энхжаргал шар хуудас авсан.

Талбайн эзэн баг болох Зүүн Тимор тоглолтын 72 дахь минутанд сэлгээ хийж, 14 дугаартай тоглогчийг 9 дугаартай тоглогчоор солиллоо.

Харин  монголын багийн хагас хамгаалагч А.Эрдэнэбаяр гэмтлийн улмаас тоглолтын 70 дахь минутад талбайг орхиж, түүний оронд н.Цолмон талбайд гарсан юм. Мөн тоглолтын 75 дахь минутад Г.Төгсбаярыг С.Гал-Эрдэнээр сэлгэсэн юм.

Монголын баг байнга довтолж байсан боловч тоглолтын 89 минутанд хариу довтолгооноос гоол алдаж тоглолтын харьцаа 0:3 боллоо. Харин тоглолтын 90 минутад Зүүн-Тиморын тоглогч Neto гоол хийж 4:0 болголоо.

Гэвч монголын тамирчин Б.Гарьдмагнай зөрүүлэн гоол хийж, тоглолтыг 4:1-ийн харьцаагаар өндөрлүүллээ.

Дасгалжуулагч С.Пүрэвсүх 4-2-3-1 хувилбарыг сонгосон бөгөөд үндсэн бүрэлдэхүүнд хаалгачаар Б.Ариунболд, хамгаалагчаар Б.Эрхэмбаяр, Ц.Энхжаргал, Б.Гарьмагнай, Билгүүн, хагас хамгаалагчаар Наранболд, Х.Цэнд-Аюуш, А.Эрдэнэбаяр, Н.Цэдэнбал, М.Төгөлдөр, довтлогчоор Г.Төгсбаяр нар тоглолоо.

Б.Дэжид