Энэ жил ерөнхий боловсролын сургууль төгсөгчдийн их, дээд сургуульд элсэн суралцах элсэлтийн ерөнхий шалгалтад орох эсэхийг шийдвэрлэх Монгол хэл, бичгийн шалгалт энэ долоо хоногийн бямба гариг буюу гуравдугаар сарын 21-ний өдөр орон даяар нэгэн зэрэг явагдана.

б

Энэхүү шалгалтыг босго оноотойгоор анх удаа авч буй учир шалгуулагчдад хоёр дахь боломжийг олгож байгаа. Тодруулбал, гуравдугаар сарын 21-ний өдрийн шалгалтад тэнцээгүй шалгуулагчид ирэх дөрөвдүгээр сарын 25-нд дахин Монгол хэл, бичгийн шалгалт өгөх боломжтой. Хэрэв энэ шалгалтад 400 оноо авч адаагүй бол Элсэлтийн ерөнхий шалгалтад орох эрхгүй болох юм.

б

Монгол хэл, бичгийн шалгалт өгөхөөр 25832 шалгуулагч бүртгүүлсний 19300 нь энэ онд 12 дугаар анги төгсөж буй сурагч, үлдсэн нь өмнөх онуудад ерөнхий боловсролын сургууль төгсөгчид аж. Шалгуулагчдын тоо өмнөх жилүүдийнхээс цөөн байгаа нь энэ хичээлийн жилд улсын хэмжээнд анхны 12 дугаар анги төгсөж буйтай холбоотой юм байна.

б

Б.Бэхи