Оросын улстөрч Борис Немцовын аллагатай холбоотойгоор 27-55 насны таван чечень эрийг баривчилсан юм. Тэгвэл баригдсан таван этгээдийн нэг Анзор Губашевийн ээж “ВВС” агентлагт ярилцлага өгчээ. Тэрбээр “Миний хүү алуурчин биш. Би хүүдээ итгэж байна. Хүү минь үнэхээр Борис Немцовыг хөнөөсөн гэж үү. Итгэхгүй байна. Яагаад ямар ч баримтгүй байж хүүг минь тамлан зовоож байгаа юм бэ. Түүнтэй уулзахыг цагдаа нар хориглож байгаа. Хүүгээ хармаар байна. Хүүтэйгээ уулзахыг минь зөвшөөрөөч. Хүү минь улс төрийн золиос болохыг би зөвшөөрөхгүй” гэж хэлжээ. Энэхүү ярилцлагын дараа Анзор Губашевийг гэр бүлтэйгээ уулзахыг Москвагийн цагдаа нар зөвшөөрсөн гэж тус агентлагийн сэтгүүлч Сара Райнсфорд блогтоо бичсэн байна.

1

Немцовын охин Жанна Немцов аавынхаа үхлийг хажуунаас нь харсан мөртлөө юу ч ярихгүй байгаа Украины загвар өмсөгч Анна Дурицкаятай уулзахыг хүссэн ч татгалзсан хариу авсан тухай “Орт 1” телевиз мэдээлжээ. Анна “Би хэрэг гарсан шөнө Немцовтой хамт байсан. Гэмт этгээдүүд гэнэт л түүн рүү буудсан. Немцов намайг дарж унасан учир би хэрэгтнүүдийн царайг ч харж чадаагүй” гэж хэлжээ.

1

Б.Дэлгэрцэцэг