Монгол, Оросын аудитын дээд байгууллагуудын хамтарсан аудитын дүнгийн хурал өнөөдөр эхэлнэ. Хурлаар "Улаанбаатар төмөр зам” хувь нийлсэн нийгэмлэгийн 2015 оны аудитын төлөвлөгөө батлан, “Эрдэнэт үйлдвэр ХХК”-ийн үйл ажиллагаанд хийсэн хамтарсан аудитын дүн, “Хил орчмын байгаль орчныг хамгаалах талаар төрийн зохицуулалтын үр дүн” сэдэвт аудитын талаар хэлэлцэнэ.

ө

Хамтарсан хуралдааны төгсгөлд буюу энэ сарын 24 -ний өдрийн 13:00-14:00 цагт Гадаад хэргийн яамны “ Мутрын түшээ ” танхимд “Эрдэнэт үйлдвэр ХХК”-ийн цэвэр ашгийн бүрдүүлэлт, хуваарилалт болон хөрөнгө санхүүгийн нөөцийн ашиглалт сэдвээр хийсэн МУ-ын ҮАГ, ОХУ-ын Тооцооны танхимын хамтарсан аудитын тайланг баталгаажуулж гарын үсэг зурна. Мөн  “Улаанбаатар төмөр зам” хувь нийлсэн нийгэмлэгийн цэвэр ашгийн бүрдүүлэлт, хуваарилалт болон хөрөнгө санхүүгийн нөөцийн ашиглалт сэдвээр хийх ОХУ-ын Тооцооны танхим, МУ-ын ҮАГ-ын хамтарсан аудитын төлөвлөгөө, хөтөлбөрт гарын үсэг зурах үйл ажиллагаа болно.