Немцовын аминд хүрсэн тусгай бүлэглэл баригджээ

Улстөрч Борис Немцовын аллага захиалгат болох нь тогтоогдлоо гэж “www.dailymail.co.uk” мэдээллээ. Немцовын аминд хүрэх тусгай бүлэглэл өнгөрөгч нэгдүгээр сарын 1-ний өдөр байгуулагдсан байна. Тус бүлэглэл 10-15 гишүүнтэй бөгөөд тэд хэрэг гарахын өмнөх өдөр нууц санал хураалтаар Немцовын аминд хүрэх этгээдийг тодруулсан хэмээн Оросын Мөрдөн байцаах хорооны нэрээ нууцалсан гэрч “Россия 1” телевизэд ярьжээ. Тус бүлэглэлийн контороос Немцовын алхам тутмыг мөрдсөн гэр зураг, бичлэг олдсон байна. Энэхүү аллагыг сайтар бэлдсэн, захиалгат аллага гэдгийг цагдаа нар баталсан аж.
1
Цагдаагийнханд баригдаад байгаа Анзор Губашев, Заур Дадаев, Бислан Шаванов нар өнгөрсөн хоёрдугаар сараас эхлэн улстөрчийг мөрдөж байсан гэнэ. Тэд улстөрчийг өөр гурван этгээдтэй ээлжлэн мөрддөг байснаа ярьжээ. Немцовын байршлыг тогтоохын тулд тусгайлан худалдаж авсан машиныг ашиглаж байснаа мэдүүлгийнхээ үеэр дурьджээ. Тамерлан Эксерханов, Хамзат Бахаев, Шадид Губашев нар мэдээлэл цуглуулах болон аллагын дараа Москва, цаашлаад Оросоос гарах ажиллагааг удирдаж байсан гэнэ. Хэргээ хүлээгээд байгаа Заур Дадаев “Немцовын аминд хүрсэн хүнд захиалагч 5 сая рубль өгөхөө амласан” гэж хэлжээ.
1
Б.Дэлгэрцэцэг
СЭТГЭГДЭЛ БИЧИХ