Дээрэм, танхай, хулгайн гэмт хэргийг бүлэглэн үйлдсэн 29 хүнд холбогдох хэргийг шүүхэд шилжүүлэн эцэслэн шийдвэрлэжээ. Тодруулбал,  эрхэлсэн тодорхой ажилгүй, 16-32 насны дээрх нэр бүхий 29 яллагдагчид Дүүргийн эрүүгийн хэргийн анхан шатны 2 дугаар шүүхээс 3 жил 5 сараас 7 жил 1 сарын хугацаагаар тус тус хорих ялаар шийтгэсэн байна.

Энэ сарын 17-ны өдөр Нийслэлийн Эрүүгийн давж заалдах шатны 10 дугаар шүүхээр уг хэргийг хянан хэлэлцэж анхан шатны шүүхийн шийтгэх тогтоолыг хэвээр үлдээжээ.

.

Гэмт этгээдүүд 2011 оны хоёрдугаар сараас эхлэн Төв, Дархан-Уул аймаг болон Баянгол, Баянзүрх, Сонгинохайрхан, Чингэлтэй, Налайх дүүргүүдийн нутаг дэвсгэрт 117 удаагийн давтан үйлдлээр бусдын эд зүйлийг дээрэмдэх, танхайрах, бусдын орон байранд хууль бусаар нэвтэрч эд хөрөнгийг нь хулгайлах зэрэг онц их хэмжээний хохирол учруулсан гэмт хэрэг үйлдсэн байна.

.

Б.Дэжид