Ерөнхий сайд асан Н.Алтанхуягийн зөвлөх Л.Гансүхэд холбогдох хэргийг энэ сарын 20-нд АТГ-аас Нийслэлийн Прокурорын газрын хяналтад шилжүүлсэн байна. Улмаар Монгол Улсын Эрүүгийн хуулийн тусгай ангийн 263 дугаар зүйлийн 263.2, 150 дугаар зүйлийн 150.3, 166 дугаар зүйлийн 166.2-т заасны дагуу түүнийг гэмт хэрэгт яллагдагчаар татаж, яллах дүгнэлт үйлдүүлэх саналтайгаар шилжүүлжээ.

Тэрбээр өнгөрөгч оны 11-р сард Төв аймгийн урьдчилан хорих төвд хоригдож байхдаа хуурай өлсгөлөн зарлаж, бие нь муудсан. Тиймээс Дүүргийн эрүүгийн хэргийн нэгдүгээр шүүхээс Л.Гансүхийг батлан даалтад гаргах шийдвэр гаргасан. Тиймээс тэрбээр эдүгээ гэрээрээ эмчилгээ хийлгэж байгаа билээ.