ШӨХТГ-аас зориулалтын чирэгч автомашин ашиглан тээврийн хэрэгслийг зөөж шилжүүлэх болон дугуй түгжихтэй холбоотой Нийслэлийн Засаг дарга болон Нийслэлийн иргэдийн төлөөлөгчдийн хурлын шийвэр нь хууль тогтоомжид нийцэж байгаа эсэхэд хяналт шалгалт хийж, хууль, дүрэм зөрчсөн зөрчлүүдийг илрүүлжээ. Одоогоор нийслэлийн Засаг даргын захирамжаар замын хөдөлгөөний ачааллыг бууруулах зорилгоор тээврийн хэрэгслийг зөөж, шилжүүлэх, төлбөр хураамж авах үйл ажиллагааг “Замын хөдөлгөөний удирдлагын төв” НӨҮГ-т хэрэгжүүлж байгаа. Нийслэлийн хэмжээнд тээврийн хэрэгслийг түр саатуулах байр байгуулж ажиллуулах, зориулалтын чирэгч, ачигч автомашинаар зөөж шилжүүлэх үйл ажиллагаа эрхлэх 15 аж ахуйн нэгжтэй хамтран ажиллах гэрээ байгуулж ажилладаг байна.

Тодруулбал, Замын хөдөлгөөний аюулгүй байдлын тухай хуулийн 16 дугаар зүйлийн 16.4.6 дэх заалт, Хууль зүй, дотоод хэргийн сайдын 2005 оны 94 дүгээр тушаалаар батлагдсан зориулалтын чирэгч автомашин ашиглан тээврийн хэрэгслийг зөөж шилжүүлэх журмын 4.1.1-т тус тус заасан Цагдаагийн ерөнхий газрын даргын бүрэн эрхэд хамаарах асуудлаар Нийслэлийн Засаг дарга 2013 оны А/769 дугаар захирамж гаргаж, “Замын хөдөлгөөний удирдлагын төв” НӨҮГ-т тээврийн хэрэгслийг зөөж шилжүүлэх төлбөрийн хэмжээг тогтоох, хураан авах эрх олгожээ. Ийнхүү  Нийслэлийн засаг даргын 2013 оны А/769 тоот захирамжийг үндэслэн Замын хөдөлгөөний удирдлагын төвийн дарга 2013 оны 8 дугаар сарын 29-ний өдрийн А/21 тоот тушаал гаргаж, тээврийн хэрэгслийн хөдөлгүүрийн багтаамжаас хамааран 70000-80000 төгрөг байхаар тогтоосон байна.

б

Энэ зөрчил үйлдэгдсэнээр “Замын хөдөлгөөний удирдлагын төв” нь 2013-2014 онд нийт 9230 тээврийн хэрэгслийг 70.000-80.000 төгрөгөөр зөөж шилжүүлж, 647.710.000 төгрөгийн үйлчилгээний хураамжийг хууль бусаар хураан авч, нийслэлийн төсөвт төвлөрүүлсэн байна. Энэ бүхэлд нь хууль бус гэж үзжээ. Гэхдээ Цагдаагийн ерөнхий газрын даргын 2014 оны 728 тоот тушаалыг үндэслэн “Замын хөдөлгөөний удирдлагын төв” НӨҮГ-ын дарга Л.Батцоож 2014 оны 11 дүгээр сарын 21-ний өдрийн А/30 тоот тушаал гаргаж, бүх төрлийн суудлын автомашиныг зөөж шилжүүлэх үйлчилгээний хураамжийг 2014 оны 11 дүгээр сарын 20-ны өдрөөс эхлэн 55.000 төгрөг байхаар тогтоож дээрх зөрчлийг арилгасан гэж үзсэн байна.

б

Уг нь Замын хөдөлгөөний дүрэмд "замын хөдөлгөөний аюулгүй байдлын хяналтын улсын байцаагч тээврийн хэрэгслийг зөөж шилжүүлэх бүрэн эрхтэй байна", Хууль зүйн сайдын тушаалаар батлагдсан “Зориулалтын чирэгч автомашин ашиглан тээврийн хэрэгслийг зөөж шилжүүлэх журам”-д замын хөдөлгөөний аюулгүй байдлын улсын хяналтын байцаагчийн шийдвэрээр тээврийн тусгай хашаанд шилжүүлэх ёстой гэж заасан байдаг аж. Гэвч түгжрэлийг бууруулах зорилготой гэх машин ачигчид мөнгөнд хэт улайрч, хууль дүрмийг үл тоодог байжээ. Цаашид улсын байцаагчийн зөвшөөрөлгүйгээр хэн ч машин ачихгүй болжээ.

б

Өнгөрөгч онд машинаа ачуулсан иргэдаас авч байсан 70-80 мянган төгрөгийн торгуулийг бүхэлд нь хууль бус гэж үзсэн учраас тухайн үед хохирсон иргэд торгуулийн мөнгөө эргүүлж авахаар шүүхэд нэхэмжлэл гаргаж болох юм байна.

ө

Б.Хүлэг