Тамхины цэг байгуулах асуудлаар УИХ-ын гишүүн Д.Эрдэнэбат хуулийн төсөл санаачлан өргөн  барьж хэлэлцүүлсэн ч дэмжигдээгүй. Харин тамхи татах цэг байхгүйгээс  гудамж талбай, байгууллага,  баар рестораны үүд, булан тохой орчмоор нэлдээ  тамхины иш хөглөрч, хүмүүсийн шүүмжлэлд өрсөн. Сүүлийн үед автобусны зогсоолын орчимд тамхи татах цэг гэх ТҮЦ байх болсон. Энэ талаар УИХ-ын гишүүн, Аж үйлдвэрийн сайд Д.Эрдэнэбатаас тодруулахад:

-Тамхи татах цэг байгуулна гэдэг нь өндөр өртөг шаардагдахгүй. Гудамжинд, автобусны буудлын хажууд ТҮЦ шиг зүйл барьсаныг  гайхаад байгаа юм. Тамхи татах цэг гэдэг бол стандартаараа гадаа гудамжинд ил задгай байх зүйл. Тэнд нь тэмдэглэгээ, зориулалтын нь хогийн сав байх хэрэгтэй. Энэ асуудлаар НИТХ-ын даргатай санал солилцоод ойлголцсон. Гудамжинд 200 м тутамд  нэг тамхи татах цэг байгуулах хэрэгтэй. Гэтэл сүүлийн үед тамхи татах  цэг байгуулах асуудлаар буруу ташаа мэдээлэл явж байна. Харин орон сууц зэрэг битүү газар 1ам.метр талбайд байлгах хэрэгтэй. Хуулийг гажуудуулж болохгүй.

-Тэгэхээр тамхи татах цэгийн ТҮЦ-ын төсвийг хотоос гаргасан уу?

-Улсаас өндөр өртөгтэй төсөв гаргаагүй. Тиймээс нийслэлээс асуу.

Н.Энх