Сар шинийн дараахан дөрөвхөн настай бяцхан охиноо онц хэрцгийгээр хөнөөсөн хэрэг гарч олныг цочирдуулж байв.

Тус хэрэгт талийгаач охины төрсөн эцэг Т.Цогт хамтран амьдрагч Г.Маралмаа нарыг сэжиглэн, ШШГЕГ-ын цагдан хорих 461 дүгээр ангид саатуулан шалгаж байгаа юм.

Тэдэнд холбогдох хэргийн мөрдөн байцаалт дуусч, яллах дүгнэлт үйлдүүлэхээр прокурорын байгууллагад шилжүүлсэн байна.

Харин талийгаач охины ажил явдалд төрсөн эцэг Т.Цогтын ар гэрээс нэг ч хүн оролцоогүй гэж эх сурвалж мэдээллээ. Мөн оршуулгын зардалд нэг ч төгрөг хандивлаагүй гэнэ.

Энэ талаар талийгаач охины өмгөөлөгч Б.Манлайжав “Оршуулгын зардалд сэжигтнүүдийн талаас 3 сая 500 мянга орчим төгрөг гаргуулахаар болсон ч сэжигтнүүдийн талаас барагдуулсан зүйл алга. Мөн талийгаач охины ажил явдалд Т.Цогтын ар гэрээс нэг ч хүн ирж оролцоогүй” гэжээ.

Б.Дэжид