УИХ-ын чуулганы нэгдсэн хуралдаанаар ҮХЦ-ийн дүгнэлтийг хэлэлцэхэд гишүүдийн хооронд ширүүхэн маргаан үүсэв. Ард нийтийн санал асуулгаар шийдвэрлэгдсэн асуудлыг шийдсэн тооцно гэж Үндсэн хуульд байдаг. Харин үүнийг УИХ-ын гишүүдийн 4/3-аар өөрчлөлт оруулна гэж заасан байдаг. Үүнийг УИХ-ын гишүүдийн ердийн олонхиор шийддэг болох тухай өргөдлийг иргэн Р.Гончигдорж ҮХЦ-д хандсан байна. ҮХЦ үүнийг хэлэлцээд дэмжин дүгнэлтээ гаргасан байна. Харин Хуульзүйн байнгын хорооны хуралдаанаар уг асуудлыг хэлэлцээд ҮХЦ-ийн дүгнэлтийг дэмжжээ. Гэвч УИХ-аар уг асуудлыг хэлэлцээд ҮХЦ-ийн дүгнэлтийг дэмжсэн байна.

Үүнд УИХ-ын гишүүн Ц.Нямдорж: -Ард нийтийн санал асуулгаар шийдэгдсэн асуудлыг УИХ-ын гишүүдийн 4/3-аар өөрчилж болно гэсэн заалт байгаа юм билээ. Үүнтэй бид санал нэг байгаа. Ард нийтийн санал асуулгаар шийдэгдсэн асуудлыг өөрчлөх шаардлага гарсан дахиад ард нийтээс асуух хэрэгтэй. Ийм зүйлт оруулах хэрэгтэй. УИХ-ын дэд дарга Р.Гончигдорж өргөдөл гаргахаар нь ҮХЦ дүгнэлт гаргахаар хэлэлцдэг нь сонин байна. Р.Гончигдорж УИХ-ын гишүүн, дэд даргаасаа татгалзаад иргэн болсны дараа ҮХЦ-д өргөдөл гаргавал хэлэлцэж болно. Үүнийг цаашид бодох хэрэгтэй. УИХ-аар хэлэлцэж байгаа тодорхой хэсэг нь ҮХЦ-д өргөдөл гаргах тохиолдол байдаг. Гэтэл үүнд чинь иргэн Р.Гончигдорж гомдол гаргадаг нь сонин. Монголын төрд энэ жишиг чинь зөв юм уу. ҮХЦ ийм өргөдлөөр асуудал  Ер нь  “өрийн босгыг нэмэх” гэж л Р.Гончигдорж хандсан. Үүнийхээ хариуцлагыг хэзээ нэг цагт Р.Гончигдорж чи шүүхийн өмнө хариуцлага хүлээнэ гэлээ.

Харин УИХ-ын дэд дарга Р.Гончигдорж: -Энэ хуулийн өөрчлөлт дээр ойлголцсон шүү дээ. Бид ер нь ҮХЦ-ийн шийдвэр хүчин төгөлдөр байвал тэр хууль хүчингүй болно. Үндсэн хуулиа уншиж бай. Хүчингүй болсон заалтыг УИХ нөхөн заалт л оруулах хэрэгтэй. Иргэн гэдгийг би санаачилсан юм биш. Би иргэний харьяаллаасаа гараагүй, хасагдаагүй, хасагдах ч үгүй. Үүн дээр гайхаад байх зүйлгүй. Над руу хандаж хэлж байна. Харин МАН-ынхан чөдөр тушаа болдгоо боль гэсэн юм гэлээ.

УИХ-ын чуулганаар дээрх асуудлыг хэлэлцээд Ард нийтийн санал асуулгын тухай хуульд өөрчлөлт оруулахаар болсон юм.

Чуулганы нэгдсэн хуралдаан үргэлжилж байна

Н.Энх