2016 оны АНУ-ын Ерөнхийлөгчийн сонгуульд сөрөг хүчин “Ардчилсан” намаас Төрийн нарийн бичгийн дарга асан, тэргүүн хатагтай Хилари Клинтон өрсөлдөх нь тодорхой боллоо. Түүний нөхөр Ерөнхийлөгч асан Билл Клинтон твиттертээ “Америкчуудаа бид эмэгтэй Ерөнхийлөгчийг сонгох, итгэл хүлээлгэх цаг боллоо. Бүгдээрээ Хилари Клинтонг сонгож, саналаа өгье” гэж жиргэжээ. Мөн охин Челси Клинтон хүртэл ээжийг нь дэмжихийг олон нийтээс хүсч “Миний ээж сул дорой нэгэн биш. Тэрбээр шилдэг удирдагч болж чадна” гэж жиргэсэн аж.

Дээрх жиргээний дараа холливуудын алдартнууд Хилари Клинтонг дэмжихийг фэнүүддээ уриалж, хэвлэл мэдээллийнхнийг түүний эсрэг сөрөг мэдээлэл цацахгүй байхыг уриалсан байна.

Жүжигчин Жорж Клуни твиттертээ “2016 сонгуулиар би Хилари Клинтонд саналаа өгнө” гэсэн бол Уилл Смит “Би энэ эмэгтэйд итгэж байна” гэж жиргэжээ. Дуучин Мадонна “Би Хиларитай өнгөрсөн онд уулзаж байсан. Түүний дайчин занг өндрөөр үнэлсэн” гэсэн бол Кейти Перри “АНУ эмэгтэй Ерөнхийлөгчтэй болох цаг ирлээ” гэж жиргэцгээжээ.

Мөн Бейонси, Рианна, Том Круз, Анжелина Жоли, Том Хэнкс, Сандра Буллок зэрэг алдартнууд Хиларид саналаа өгөхөө мэдэгдэж, жиргэсэн тухай “www.dailymail.co.uk” мэдээлжээ.

Б.Дэлгэрцэцэг