Нийслэлийн халамж үйлчилгээний газраас амьжиргааны баталгаажих түвшингээс доогуур нэн ядуу өрхөд хүнс тэжээлийн дэмжлэг үзүүлж, хүнсний талон өгдөг. Тэгвэл энэ жилийн хүнсний талоныг энэ сарын 15-наас тарааж эхэлнэ. 

Энэ жилийн хувьд нийслэлийн есөн дүүргийн 24300 иргэнд хүнсний талон тараахаар бэлтгэл ажил хангагдаад байгаа аж. Санхүүжилт орчихвол тараалт эхлэх гэнэ. Өнгөрсөн жилийн хувьд том хүнд 10, хүүхдэд таван мянган төгрөгийн талон олгож байжээ. 

Тэгвэл энэ жилийнх нь 2015 оны нэгдүгээр сард салбарын сайдын гаргасан тушаалаар том хүнийх 13, хүүхдийнх 6500 төгрөг болж нэмэгдсэн юм. 

Б.Дэжид