УИХ-ын чуулганы нэгдсэн хуралдаан үргэлжилж байна. Хуралдааны эхэнд Казиногийн тухай хуулийн төслийг хэлэлцсэн юм. Өмнөх чуулганы нэгдсэн хуралдаанаар гишүүд Казиногийн тухай, казино байгуулах тухай хуулийн төслөөр асуулт тавьж, саналаа хэлсэн байв. Тиймээс өнөөдөр Казиногийн тухай болон холбогдох хуулийн төслийг хэлэлцэхийг дэмжих санал хураалт явуулав. Чуулганы нэгдсэн хуралдаанд оролцсон гишүүдийн 82,1 хувийн саналаар Казиногийн тухай хуулийн төслийг хэлэлцэхийг дэмжив. Тиймээс Казиногийн тухай болон холбогдох хуулийн төслийг анхны хэлэлцүүлэгт бэлтгүүлэхээр байнгын хороонд шилжүүллээ.

Дараагаар нь Улсын дээд шүүхийн шүүгчид нэр дэвшигчийг танилцуулан, хэлэлцүүлж байна.

Н.Энх