Кенийн хэт даврагч “Аль Шабаб” бүлэглэл Иракийн хэт даврагч “Халифын вант улс” бүлэглэлтэй нэгдэж буйгаа албан ёсоор мэдэгдсэн тухай “AFP” агентлаг мэдээллээ. Тус бүлэглэлийн дайчид “Халифын улс”-ын далбааг барьсан зургаа олон нийтийн сүлжээнд байршуулж “Ариун исламын улсыг хамтдаа байгуулцгаая” гэж бичжээ.

Энэ оны эхээр Нигерийн хэт даврагч “Боко Харам” бүлэглэл тус бүлэглэлтэй нэгдэж буйгаа зарласан юм. Дээрх хоёр бүлэглэлээс гадна “Халифын улс”-д Пакистаны “Хамас” бүлэглэл нэгдэх хүсэлтээ гаргасан гэж НҮБ-ын Аюулгүй зөвлөл мэдээллээ. Олон улсыг айдаст автуулаад буй дээрх бүлэглэлүүд нэгдэх нь сөрөг үр дагавартай бөгөөд энгийн иргэд ихээр хохирох эрсдэлтэй гэдгийг Аюулгүй зөвлөлөөс сануулжээ.

“Халифын вант улс” бүлэглэлийн тэргүүн Бакар аль Багдади “Аль Шабаб” бүлэглэлийг хүлээн авч буйгаа фэйсбүүкээрээ дамжуулан мэдэгджээ.

Б.Дэлгэрцэцэг