Монгол Улсын Ерөнхийлөгч Ц.Элбэгдорж гал түймрийн аюулд өртөөд байгаа зүүн аймгуудад ажиллахаар пүрэв гарагт Улаанбаатараас мордсон. Тэгвэл өнөөдөр Монгол Улсын Ерөнхийлөгч Дорнод аймагт ажилласныхаа дараа Хэнтий, Сүхбаатар аймгийг зорих юм.

Тэрбээр түймэртэй байгаа Дорнод аймгийн Баян-Уул суманд ажиллаж орон нутгийн иргэд, түймрийн голомт дээр гал унтраахаар ажиллаж буй хүмүүс, цэрэг, дайчидтай уулзжээ.

Тэрбээр энэ тухайгаа өөрийн цахим хуудаснаа "Олон хүний хүч, тэмцлээр зүүн аймгуудад гарсан түймэр унтарч дуусч байна. Зайлшгүй шийдэх олон асуудлыг биечлэн үзэв" хэмээн бичжээ.

Дашрамд дуулгахад, Дорнод аймгийн нийт нутаг дэвсгэрийн гуравны нэг, Баян-Уул сумын нутаг дэвсгэрийн 50 хувь нь түймэрт өртжээ. 

ОХУ-аас хоёр чиглэлээр хил давж орж ирсэн гал ийнхүү Баян-Уул сумын газар нутгийн тал хувийг хамарсан байна. 

Б.Дэжид