Чечень улсын Ерөнхийлөгч Рамсан Кадыров тус улсын нутаг дэвсгэрт нэвтэрсэн ОХУ-ын армийн цэргүүдийг буудахыг зөвшөөрсөн тушаалд гарын үсэг зурсан тухай “www.dailymail.co.uk” мэдээллээ. Энэхүү тушаалын дараа Москвагийн удирдлагууд дургүйцлээ илэрхийлж, Ерөнхийлөгчийн шийдвэрийг хууль бус, дайныг өдөөн турхирсан шийдвэр хэмээн мэдэгджээ. Кадыров “Орос цэргүүд зөвшөөрөлгүйгээр газар нутагт нэвтэрч, улмаар иргэдийг минь айлгаж, заналхийлсэн тохиолдолд тэднийг шууд буудаж болно” гэж хэлжээ.  Тэрбээр өчигдөр Чеченийн Батлан хамгаалахын удирдлагуудтай уулзах үеэрээ ийнхүү хэлсэн гэж ОХУ-ын Ерөнхийлөгч В.Путиний хэвлэлийн төлөөлөгч Дмитрий Песков “Орт 1” телевизэд өгсөн ярилцлагынхаа үеэр дурджээ. Тэрбээр “Кадыровын гэнэтийн мэдэгдэл     Ерөнхийлөгч Путиний дургүйцлийг хүргэсэн. Гэхдээ албан ёсны мэдэгдэл хийхийг удирдлагууд зөвшөөрөөгүй байгаа” гэж ярьсан байна. 

Б.Дэлгэрцэцэг