Үндэсний Бүтээн Байгуулалтын Корпорацийн Төлөөлөн удирдах зөвлөлийн өчигдрийн хурлаар Хувьцаа эзэмшигчдийн 100 хувийн саналаар Г.Батжаргалыг зөвлөлийн даргаараа сонгожээ. Г.Батжаргал нь тус корпорацийн Нийгмийн бодлогын асуудал эрхэлсэн дэд ерөнхийлөгч, “БҮТИ” ХХК-ийн гүйцэтгэх захирал юм байна.

Мөн хурлаар ТУЗ-д Аудитын хороо байгуулсан бөгөөд тус хорооны даргаар “Эрэлт Импэкс” ХХК-ийн ерөнхий захирал Д.Энхтөр, гишүүдээр “Дельта констракшн” ХХК-ийн ерөнхий захирал Ж.Эрдэнэчимэг, “И Си Си” ХХК-ийн ерөнхий захирал Г.Батсүх нарыг сонгожээ.