Иргэний мэдээллийн дагуу бүлэглэн хулгайн гэмт хэрэг үйлддэг залуусыг илрүүлжээ.

Баянгол дүүргийн цагдаагийн 2 дугаар хэлтэст Өнөр хотхоны ойролцоо сэжиг бүхий хоёр залуу шөнийн цагаар явж байна гэсэн мэдээллийн дагуу шалгалт хийж, орон сууцны гадаах зогсоолд байрлуулсан дөрвөн машины цонхыг хагалж, эд зүйлс болон машин доторх бусад зүйлсийг хулгайлж байгаад үйлдэл дээрээ баригдсан байна.

Уг хэргийг Сүхбаатар дүүргийн 13 дугаар хороонд оршин суух хаягтай, эрхэлсэн ажилгүй 18 настай Р бусадтай бүлэглэн үйлджээ.

Иргэдийг байр сууц, албан байгууллагын ойролцоо сэжигтэй этгээдүүд явж байвал яаралтай цагдаагийн байгууллагад мэдэгдвэл бусдын эд зүйлсийг хулгайн гэмт хэргээс урьдчилан сэргийлэх боломжтойг цагдаагийн байгууллагаас анхааруулсан. Мөн иргэнийхээ үүргий биелүүлж, гэмт хэргээс урьдчилан сэргийлэх чиглэлээр цагдаагийн байгууллагатай хамтран ажилладаг иргэдэд талархал илэрхийлсэн.

Б.Хүлэг