УИХ дахь “Шударга ёс” эвслийн бүлэг мэдээлэл хийлээ. Тус эвсэл дэх МАХН, МҮАН-ынхан “Тавантолгой”-н гэрээний төсөлд байр сууриа нэгтгэсэн байна. Тиймээс бүлгийн дарга Н.Батцэрэг энэ талаар мэдээлэл хийсэн юм.

“Тавантолгой”-той холбоотой асуудлаар МАХН-МҮАН “Шударга ёс” эвсэл хэлэлцэж мэдэгдэл гаргажээ. Уг мэдэгдэлд “Тавантолгой”-н ордыг эдийн засгийн эргэлтэд оруулахыг дэмжиж байна.”Тавантолгой”-н орд газрыг ард түмний мэдэлд байлгах. “Тавантолгой”-н асуудлыг УИХ-ын чуулганаар яаралтай хэлэлцэх ёстой. Өнгөрөгч сарын 23-нд “Тавантолгой” төслийг УИХ-аар хэлэлцүүлэхээр өргөн барьсан ч өнөөдрийг хүртэл удааширч байгаа нь хуйвалдаан, тохиролцоо болж байж магагүй гэсэн хардлага төрүүлж байна.”Тавантолгой”-н гэрээг Монголулсын төрийн бодлого, хууль тогтоомжинд нийцүүлэн харилцан ашигтай, ард түмэнд өгөөжтэй байлгахаар хийх ёстой” гэжээ.

Н.Энх