Хөдөлмөрийн үндэсний намд нэгдэх хүсэлтэй иргэдийн төлөөлөл болсон их дээд сургуулийн эрдэмтэн багш нар өнөөдөр шинэ батлахыг гардан авлаа.

Тус намд шинээ элссэн 20 гаруй гишүүд нь боловсролын салбарын  төлөөлөгчид буюу МУИС, ТИС, ХААИС, Удирдлагын академи, Түшээ, Сан дээд сургууль, Шихихутаг, Их засаг их сургуулийн эрдэмтэн багш нар байсан юм.

Хөдөлмөрийн үндэсний намын дарга С.Боргил намын гишүүддээ батлахыг нь гардуулан өгч хамтын ажиллагаандаа амжилт хүссэн. Тэрбээр энэ үеэр “Хөдөлмөрч хүн бэлтгэх их ажлын тэргүүн эгнээнд зогсох багш сурган хүмүүжүүлэгчдийн төлөөлөл болсон та бүхэндээ талархаж байна. Улс орны ирээдүйд сэтгэл тавин “Монгол зорилго”-д хүрэхэд өөрийн хүч чадал, оюун ухаанаа зориулахаар зорин ирсэн байна.

Боловсролтой шинэ үеийг төлөвшүүлэх, энэ салбарыг эн тэргүүнд дэмжих нь Хөдөлмөрийн үндэсний намын зорилтуудын нэг билээ. Тэр дундаа монгол хүн бэлтгэж байгаа багш эрдэмтний хөдөлмөрийн үнэлэмжийг нь нэмэгдүүлэх нь зүйтэй гэсэн байр суурьтай байна.

Тиймээс та бүхэн бидэнтэй нэгдэж байгаад баяртай байна. Монгол зорилгод хүрэх амаргүй хэдий ч үйл хэрэгт гар бие сэтгэл зүрхээ идэвхитэй оролцож ажиллахыг хүсэж байна.

Хүнээ дээдэлж, Монгол орноо чинээлэг амар тайван, хөгжингүй улс болгох их зорилгын төлөө хамтдаа урагшилна. Өнөөдөр бидний хамтдаа хийсэн нэг зөв алхам ирээдүй хойчын төлөө хийгдэх мянган зөв үйлдлийн эхлэл юм. Бид хамтдаа Монгол хүнийг бүтээнэ” гэлээ.

П.Наран