Батлан хамгаалахын сайд Ц.Цолмон өчигдөр "Оюутан цэрэг" хөтөлбөрт хамрагдсан оюутнуудаа эргэлээ. Түүнтэй хамт Боловсрол, соёл, шинжлэх ухааны дэд сайд Я.Төмөрбаатар, Батлан хамгаалах яамны Стратегийн бодлого, төлөвлөлтийн газрын дарга, хурандаа Г.Сайханбаяр нарын албаныхан ажилласан юм. Энэ удаагийн “Оюутан цэрэг” хөтөлбөрт 66 их, дээд сургуулиас 1134 оюутан хамрагдаж, 7 их, дээд сургууль дээр 8 бүлгээр хичээллэж байна.