УИХ-ын сонгууль болоход жил гаруйн хугацаа үлдлээ. УИХ-д Сонгуулийг хуулийг боловсруулах ажлын хэсэг байгуулагдан ажиллаад 2 жил гаруй хугацаа өнгөрч байгаа ч парламентад өргөн баригдаагүй байна. Үүнтэй холбогдуулан Төрийн байгуулалтын байнгын хорооны дарга, УИХ-ын гишүүн А.Бакейгаас цаг үеийн асуудлаар зарим зүйлийг тодрууллаа.

-Сонгуулийн хуулийн төслийг хэзээ өргөн барих вэ?

- Сонгуулийн хуулийн төслийн хувьд тогтолцооноос бусад бүх асуудлыг цэгцэлсэн гэж хэлж болно. Тогтолцооны асуудлаар УИХ дахь нам, эвслийн бүлгүүд харилцан тохиролцож, зөвшилцөх асуудал явагдаж байгаа. Одоогийн байдлаар холимог тогтолцоог дэмжсэн байдалтай байна. Гэхдээ эцсийн шийдвэрт хүрээгүй байна. Нам, эвслүүд зөвшилцөж дууссаныхаа дараа өргөн мэдүүлнэ.

 - Хуульд иргэдийн саналыг хэрхэн, яаж авах вэ?

 - Хэлэлцүүлгийн шатанд иргэдийн санал авна. Мөн хуулийн төслийг боловсруулах шатандаа иргэдийн саналыг аваад явсан.

 - Бүлгийн хуралдаанаар Үндсэн хуулийн өөрчлөлт болон Ерөнхий сайдыг огцруулах талаар ярилцсан уу?

-Бүлгийн хуралдаанаар энэ асуудлыг ярилцсан. Гэхдээ холбогдох ажлын хэсгээс тодруулсан дээр болов уу.  Ерөнхий сайдыг огцруулах талаар ярилцаагүй.

Н.Энх