ЦЕГ-ын Гэмт хэрэгтэй тэмцэх газраас тус газрын харьяа байгууллагуудын алба хаагч нарын дунд хөл бөмбөгийн тэмцээн зохион байгуулав.

Тэмцээнд найман багийн 100 гаруй алба хаагч оролцож, тэргүүн байранд Гэмт хэрэгтэй тэмцэх газар шалгарч шилжин явах цом алтан медалийн эзэн болжээ.

Дэд байранд Олон нийтийн аюулгүй байдлыг хангах алба мөнгөн медаль, өргөмжлөлөөр шагнагдсан бол гуравдугаар байранд Дотоод хяналт аюулгүй байдлын газар шалгарч хүрэл медаль, мөнгөн шагнал хүртсэн байна. Нийтийн хэв журмыг хамгаалах алба, ЦЕГ-ын Хэвлэл мэдээллийн төвийн хамтарсан баг тамирчид шагналт 4 дүгээр байранд шалгарчээ.