Малайзын Селангор мужийн Датаран Бандар Ютама дүүрэгт монгол эмэгтэй халдлагад өртсөн тухай "http://www.thestar.com.my/" сайтад мэдээлжээ.

Энэ хэрэг өчигдөр оройн 17:45 цагийн орчимд гарчээ. Гэрчүүдийн мэдээлснээр мотоцикль унасан буутай хоёр этгээд 4WD дамжуулалттай жийп рүү гал нээсэн бөгөөд уг машин дотор монгол эмэгтэй байсан бөгөөд цээж мөрөндөө 4 удаа буудуулсан байжээ.

Автомашиныг 35 настай бизнесмен залуу жолоодож явжээ. Гал нээх үеэр тэрээр утсаар ярьж байсан бөгөөд мотоцикльтэй этгээдүүд буудах үеэр ямар нэгэн гэмтэл аваагүй байна.

Гэмт этгээдүүд машины цонх руу нийт 8 удаа гал нээсэн болохыг цагдаагийн газраас тогтоосон байна. Харин хоёр халдагч, хэргийн газраас зутгжээ. Холбогдох албаныхан тэднийг эрэн сурвалжилж буй юм байна. Гэмт эдгээдүүдийг 9 мм-ийн диаметртэй гар буугаар буудсан гэж гэрч мэдээлжээ.

Гэмтэл авсан эмэгтэй Малая их сургуулийн Эрүүл мэндийн төвд хэвтэн эмчлүүлж байна. Петалинг дүүргийн Цагдаагийн газрын мэдээлснээр энэхүү халдлага нь өшөө авалт байж болзошгүй гэж тус сайтад мэдээлсэн байна.

Энэ тухай мэдээллийг эргэн тодруулаад хүргэнэ.

Б.Хүлэг