Нийслэлийн нийтийн тээвэр 18 метрийн урттай угсраа автобусаар парк шинэчлэл хийлээ. Беларусь улсын МАЗ компанийн үйлдвэрлэсэн уг автобус 38 суудалтай бөгөөд нийт 120 хүний багтаамжтай аж. Автобусны нэг бүрийн үнэ нь 400 сая төгрөг аж. Нийт 20 автобус ирэхээс одоогоор 17-г нь Улаанбаатарт авчраад буй гэнэ.

МАЗ 215067 загварын угсраа автобус нь 18.7 м урттай, 2.55 м өргөнтэй, нам шалтай, экологийн Евро-3 стандартын шаардлагыг хангасан,  Мерседес Бенц хөдөлгүүртэй аж. Мөн хөгжлийн бэрхшээлтэй тэр дундаа тэргэнцэртэй иргэд зорчих зориулалттай нам шаттай юм байна. Энэ автобусууд Монгол орны цаг агаарын нөхцөл байдалд тохирсон хүйтний улиралд цантахгүй шил цонхтой аж.

Энхтайваны өргөн чөлөө буюу Таван шараас Офицеруудын ордон чиглэлд явах угсраа автобус 500 төгрөгөөр нийслэлчүүдэд үйлчилнэ.

Угсраа автобусыг наадмаар үйлчилгээнд гаргах төлөвлөгөөтэй байна.