Дэнж хотойтол наадах дэлгэр Монголын их цэнгүүн хаяанд ирлээ. Эрийн хийморь ид хавын бахдал болсон хурдан хүлгэдийнхээ шандсыг шалгах дунд сунгаан өнөөдөр Төв аймгийн Баян суманд болж байна. 

Өнөөдөр даага, шүдлэн, хязаалан насны морьд уралдах аж. Маргааш Их нас, азарга, эрлийз насны уралдаан болох юм байна.

Сунгаанд Монгол Улсын Манлай уяач Т.Энхбат, Д.Мөнхбат, Одгэрэл, Цэнд-Аюуш, Оюунбилэг, Ганзориг, Баатархүү нар болон Дорноговь , Сүхбаатар аймгийн уяачид хурдан хүлгэдээ уралдуулж буй сурагтай. 

Наадмын өнгө тодорхойлох их сунгаан энэ сарын 8-нд болно. 

Б.Дэжид