“Өөрөөсөө давж бусдад үйлчилье” гэсэн уриан дор нэгдэн халуун сэтгэлээр хүмүүнлэгийн үйлсэд хүчин зүтгэж байгаа “Туул ротари”клубын Ерөнхийлөгчийн зүүсгэл солилцох арга хэмжээ болжээ. Нийгэмд хүүхдийн зүрх төслөөрөө танил болсон “Туул ротари”клубын 2014-2015 оны Ерөнхийлөгчөөр Т.Мягмарсүрэн ажиллаж байгаад 2015-2016 оны Ерөнхийлөгчөөр Ерөнхий сайдын ахлах зөвлөх асан Л.Гансүхэд шилжүүлэн өгсөн байна.

“Туул ротари” клуб байгуулагдаад 11 жил болж байгаа бөгөөд “Хүүхдийн зүрх” төслийн хүрээнд хүүхдийн зүрхний төрөлхийн гажигтай 400 гаруй хүүхдийг эмчилгээнд хамруулахын зэрэгцээ “Монголоо ногооноор нь байлгая”, “Хүүхдийн инээмсэглэл” болон  “Чойр эко парк” зэрэг төслүүдийг амжилттай хэрэгжүүлж иржээ.

Н.Нягт